Avropa İnsan Hüquqları Məhkəməsi Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədlinin işi üzrə kommunikasiyaya başlayıb.
Vəkil Elçin Sadıqov Turan-a bildirib ki, şikayət A.Məmmədlinin Avropa İnsan Hüquqları Konvensiyasının 5-ci (azadlıq və toxunulmazlıq hüququ) və 6-cı (ədalətli məhkəmə araşdırması hüququ) maddələri üzrə hüquqlarının pozulması ilə əlaqədar verilib.
Avropa İnsan Hüquqları Məhkəməsinin saytında bildirilib ki, ərizəçi öz hüquqlarının pozulmasını həbsinin qanunsuz olması ilə əsaslandırıb. Həmçinin həbsin ev dustaqlığı ilə əvəz edilməsi barədə vəsatətdən imtina edilməsinin əsassız olduğu göstərilib.
Anar Məmmədli 2013-cü il dekabrın 17-də həbs olunub. Bakı Ağır Cinayətlər Məhkəməsi onu 5,5 il müddətinə azadlıqdan məhrum edib.O, vergi ödənişindən yayınmaq, qanunsuz sahibkarlıq, vəzifə səlahiyyətindən sui-istifadədə təqsirli bilinir.
Amnesty İnternational A. Məmmədlini “vicdan məhbusu” kimi tanıyıb. Sentyabrın sonlarında o, Vatslav Havel adına mükafata layiq görülüb.-16D-
Siyasət
-
Xankəndidə oktyabrın 20-də vəfat etmiş 70 yaşlı erməni qadın Vera Aqasiyanın cəsədi 15 gündən artıqdır ki, təhvil verilməyib. Azərbaycan mediasının məlumatına görə, Beynəlxalq Qızıl Xaç Komitəsi (BQXK) gecikmənin səbəbi barədə açıqlama verməyib.
-
Noyabrın 14-də Bakıda keçirilən COP29 konfransının keçirildiyi yerdə bir qrup fəal "Pay up" ("Ödəmə vaxtıdır") şüarı altında aksiya keçirib.
-
Ermənistan baş naziri Nikol Paşinyan bildirib ki, həm prezident İlham Əliyev, həm də o, Ermənistan və Azərbaycan üçün təkcə sülh sazişi və digər razılaşmaların əldə olunması deyil, eyni zamanda sülh içində birgə yaşayış üçün strateji sazişin imzalanması zərurəti olduğunu qəbul edirlər. O, bu fikirləri noyabrın 13-də parlamentin iclasında səsləndirib.
-
Fransanın ekologiya, energetika və iqlim naziri Anyes Pannye-Runaşe (Agnès Pannier-Runacher). "Əliyevin COP29-un açılış mərasimində Fransa və Avropa ilə bağlı şərhləri qəbuledilməzdir. Ölkəmizə, onun institutlarına və ərazilərinə birbaşa hücumlar əsassızdır.
Rəy yaz