Bakı/31.10.17/Turan: Bu gün milli məclis "Azəri-Çıraq-Günəşli" (AÇG) yatağının dərinsulu hissəsinin 2050-ci ilə qədər işlənməsi üzrə yeni kontraktı ratifikasiya edib.
Bu il sentyabrın 14-də imzalanmış saziş şərti olaraq "yeni əsrin kontraktı" adını alıb.
O, hazırda bir gündə 620 min barel neft ekvivalenti çıxarılan AÇG blokunun işlənməsini davam etdirməyə imkan verəcək.
Qarşıda duran 32 ildə layihəyə 40 mlrd. dollar investisiya olunacağı gözlənilir. Layihədə SOCAR-ın payı iki dəfə artırılıb və 25%-ə çatdırılıb. Bundan başqa, şirkət bonus kimi təxminən 3,6 mlrd. dollar alacaq.
Yeni kontraktda digər şirkətlərin pay iştirakı belə olacaq: Britaniyanın BP şirkəti - 30,37% - operator, Amerikanın Chevron şirkəti - 9,56%, Exxon Mobil şirkəti - 6,79%, Hindistanın ONGC şirkəti - 2,31%, Yaponiyanın İnpex Corp. şirkəti - 9,31% və İTOCHU Oil şirkəti - 3,65%, Norveçin Statoil şirkəti - 7,27%, Türkiyənin TPAO şirkəti - 5,73%.
AÇG bloku üzrə ilk saziş 1994-cü ilin sentyabrında imzalanıb və onun müddəti 2024-cü ildə başa çatır. Yeni sazişin ratifikasiyası və qüvvəyə minməsi ilə əlaqədar ilk kontraktın şərtləri ləğv edilir. -06D-
İqtisadiyyat
-
Azərbaycan Prezidenti İlham Əliyev, 16 dekabr 2024-cü il tarixində qəbul edilmiş 98-VIIQD saylı Qanuna uyğun olaraq, ölkənin Vergi Məcəlləsinə dəyişikliklər edilməsi məqsədilə bir sıra prezident fərmanlarına dəyişikliklər edilməsi haqqında fərman imzalayıb. Bazar ertəsi gün yayımlanan fərman, müxtəlif mallar və xidmətlər üzrə vergi geri qaytarılmasının sadələşdirilməsi və əlavə dəyər vergisinin (ƏDV) geri qaytarılma qaydalarının təkmilləşdirilməsini hədəfləyən əhəmiyyətli dəyişikliklər gətirir.
-
SOCAR Türkiyə Enerji A.Ş. (STEAS), Azərbaycan Dövlət Neft Şirkəti SOCAR-ın Türkiyədəki törəmə şirkəti, Türkiyədə etilen, polietilen və polipropilen (poliolefin) istehsalı üzrə yeni obyektlərin tikintisi üçün iddialı planlarını açıqladı. Bu təşəbbüs Türkiyənin poliolefin məhsullarına olan tələbatının 90%-ə yaxınını idxalla təmin etdiyi bir dövrdə həyata keçirilir.
-
Azərbaycanın turizm sənayesi 2024-cü ildə pandemiyadan sonrakı bərpa və strateji hökumət təşəbbüsləri sayəsində əhəmiyyətli artım yaşayır. 2024-cü ilin yanvar-noyabr ayları ərzində ölkə 2.412 milyon xarici turisti qəbul edib ki, bu da 2023-cü ilin eyni dövrü ilə müqayisədə 27% çoxdur. Proqnozlara görə, ilin sonuna qədər ümumi ziyarətçi sayı 3 milyona çata bilər ki, bu da sektorun təsirli inkişaf trayektoriyasını vurğulayır.
-
2024-cü ilin ilk 11 ayında Azərbaycanın istehlak bazarı davamlı artım nümayiş etdirdi və mallar və xidmətlərin ümumi dəyəri 67,4 milyard manat təşkil etdi ki, bu da 2023-cü ilin eyni dövrü ilə müqayisədə 4,8% çoxdur. Bu artım Azərbaycanın qlobal və daxili çağırışlara uyğunlaşmağa davam edən iqtisadiyyatının dayanıqlılığını vurğulayır.
Rəy yaz