Fevral ayının 8-də “Muğanbank ASC” 5 milyon manat dəyərində yeni buraxdığı səhmləri Bakı Fond Birjasında yerləşdirib.
BFB-nin açıqladığı məlumata görə, səhmləri 4 investor alıb.
Beləliklə, bankın nizamnamə katipalı 55 milyon manata yüksəlib.
Keçən il bank cəmi 437 min manat xalis mənfəət əldə edib. Halbuki 2014-cü ildə bankın səhmdarları 4.7 milyon manat qazanmışdı.
“Muğanbank” ASC 1992-ci ildə yaradılıb. Bank Mehdiyevlər ailəsinə məxsusdur.
Maliyyə hesabatına görə, ötən 2015-ci ildə bankın aktivləri 33% artaraq, 564.3 milyon manat olub. Bir ildə bankın müştərilərə verdiyi kreditlər 31% çoxalaraq, 381.1 milyon manata çatıb.
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz