Muğanbank əmanətlər üzrə faiz dərəcəsini artırıb

«Muğanbank» ASC əmanətlər üzrə yüksək faiz dərəcəsi qoyub. Bundan sonra müştərilər 3 ilə depozit qoya bilər. Maksimal faiz dərəcəsi illik 14.0%-dir. 

Həmçinin, hər bir müştəriyə əmanəti üzrə faizlərinin yığılması və onları nağd şəkildə asan çıxarması üçün pulsuz plastik kart verilir.  

Müddəti 12 ay olan “Exclusive” əmanəti üzrə faiz dərəcəsi  faizlərin aylıq çıxarıldığı təqdirdə illik  12%, faizlərin hər 3 və 6 aydan bir çıxarıldığı təqdirdə müvafiq olaraq illik 12,2% və 12,3% təşkil edir. “Exclusive”əmanəti üzrə faizlər müddətin sonunda çıxarıldığı halda faiz dərəcəsi illik 12,5% təşkil edir. 1 il müddətinə yerləşdirilən bütün əmanətlərdə əmanətin minumum məbləği 1000 AZN (USD) təşkil edir. Müddəti 24 ay olan “Aktiv +” əmanəti üzrə faiz dərəcəsi faizlərin hər ay çıxarıldığı təqdirdə 13,0%,  faizlərin hər 3 və  6 aydan bir çıxarıldığı  təqdirdə isə müvafiq olaraq  13,2 % və 13,3%  təşkil edir.  Əmanətin minumum məbləği 500 AZN (USD) olan “Aktiv +” depoziti üzrə illik faiz dərəcəsi  faizlərin  əmanət müddətinin sonunda çıxarıldığı təqdirdə 13,5% təşkil edir.  Müddəti 36 ay olan “Arsenal” əmanəti üzrə faiz dərəcələri faizlərin aylıq, rüblük və  yarım-illik əsasda çıxarıldığı təqdirdə müvafiq olaraq 13,5%, 13,7% və 13,8% təşkil edəcəkdir. Əmanətin minumum məbləği 500 AZN (USD) təşkil edir. “Arsenal” əmanəti müddətin sonunda çıxarıldığı halda faiz dərəcəsi illik 14,0% təşkil edir.  15D--