Pis hava şəraiti ilə əlaqədar "Qərbi Çıraq" platformasının üst qurğularını dənizə göndərmək mümkün olmur. Bu barədə Turan müxbirinə ВР-Azerbaijan şirkətində bildiriblər.
Mənbənin sözlərinə görə, platforma ağırdır və onu göndərmək üçün dəniz sakit olmalıdır. Cədvələ əsasən, platformanın üst qurğuları ötən həftə göndərilməli idi. Amma son günlər Bakı və Abşeronda güclü külək olur.
Bu platformanın tikintisinə Chirag Oil Project layihəsi çərçivəsində 2010-cu ilin iyununda başlanılıb.
Platformadan hasilat bu ilin dekabrı üçün planlaşdırılıb. Platformanın layihə gücü sutkada 25 min ton neft və 6,5 mln m3 qazdır.
"Qərbi Çıraq" platforması indiyəcən Xəzərdə qurlan ən böyük qurğu olacaq. Platformanın üst qurğuları 18,5 min ton, dayaq blokları 18,2 min tondur. İLk dəfə belə iri miqyaslı layihə tamamilə Azərbaycanda həyata keçirilib. Baş podratçı ATA (Azfen-Tekfen-Amec) müştərək müəssisəsidir. "Qərbi Çıraq" platformasının tikintisi $4 mlrd-a başa gəlib. --12В--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz