Avropalı investorları Azərbaycana sabitlik cəlb edir

Bu gün Azərbaycan Diplomatiya Akademiyasında I Avropa-Azərbaycan investisiya konfransı keçirilib. Konfransın leytmotivi Azərbaycanda iqtisadi və siyasi sabitlikdir. Nəticədə Bakıya 12 Avropa ölkəsindən 280 şirkət cəlb edilib. Müsbət iqtisadi və investisiya göstəricilərindən vəcdə gələn natiqləri və biznesmenləri ölkədə insan haqlarının vəziyyəti maraqlandırmayıb. 

Avropa İttifaqının AR missiyasının rəhbəri Toraf Pilz ölkədəki iqtisadi situasiya ilə bağlı müəyyən tənqidi qeydlər səsləndirib. O, iqtisadiyyatın neft sektorundan asılı olması, rəqabətin zəifliyi və korrupsiyadan danışıb. Bu xoşagəlməz təniqdə iqtisadi inkişaf nazirinin müavini Sevinc Həsənova reaksiya verməyib. Onun fikrincə, Azərbaycanın rəqabət qabiliyyəti indeksi üzrə irəliləməsi çox şeydən xəbər verir. 

Afinadan olan təmsilçi böhra keçirən Yunanıstana Azərbaycan investisiyasından adnışıb. Cənab Aristomenis Sıgros iki ölkəni bağlayan tellərdən danışıb və qeyd edib ki, Azərbaycanın üstünlüyü son 20 ildəki siyasi sabitlikdir. 

Azərbaycanda iqtisadi və investisiya mühiti barədə İxracın və İnvestisiyaların Təşviqi Fondunun (AZPROMO) və «Azərbaycan İnvestisiya Şirkəti»nin təmsilçiləri danışıb.  

Konfrans öz işini neft-qaz sektorunda müəssisələrin təchizatı, alternativ və bərpa olunan energetika, kəndə təsərrüfatı mallarının Avropaya ixracı, ekoloji səmərəli tikintiyə, İKT-yə investisiya məsələləri üzrə plenar iclaslarla davam etdirib. 

Tədbiri Ai-nin East İnvest layihəsi AZPROMO və Almaniya-Azərbaycan Ticarət Palatası ilə (AHK Azerbaijan) birgə təşkil edib.  08C