Naxçıvanda özəlləşdirilən əmlak bazar konyunkturuna uyğunluq cəhətdən mərkəzə nisbətən daha ədalətli qiymətləndirilir. Bunu özəlləşdirilən obyektlərin start qiymətinin müqayisəsi də göstərir.
11 fevralda Naxçıvanda özəlləşdirilən 401 m2 tikinti materialları mağazası 20 min manat, yəni 1 m2-i 50 manat qiymətləndirilib. ƏMDK 1 martda təsərrüfat malları mağazasını (71,6 m2) 4686 manat, yəni 1 m2-i 65 manat qiymətləndirib. Rielterlər qeyd edir ki, rəqəmlər nə Bakıda, nə Naxçıvanda real qiyməti əks etdirmir. Amma Naxçıvanda daşınmaz əmlakın qiyməti start qiymətinə yaxındır. Bakıda mağazalar üçün bazar qiyməti 1 m2 üçün 600 manatdan az deyil.
ƏMDK-yə görə, 1996-2013-cü illərdə 43 965 obyekt, 2013-cü ildə 973 obyekt özəlləşdirilib. Bunların çoxu nəqliyyat vasitəsi (13 357), məişət obyekti (10 581), qeyri-yaşayış sahəsidir (11 009). Kiçik özəlləşmədən dövlət büdcəsində 174 mln manat daxil olub.
Naxçıvan MR-da özəlləşmənin gedişi barədə məlumat yoxdur. Hərraclar barədə informasiya “Şərq qapısı” (www.serqqapisi.az) qəzetində verilir. Naxçıvan MR İqtisadi İnkişaf Nazirliyinin hansı normativ aktlardan istifadə etdiyi məlum deyil. Qanuna və özəlləşdirmə proqramına əsasən, dövlət əmlakının özəlləşdirilməsi zamanı yeganə satıcı kimi ƏMDK göstərilir. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz