![Vergilər Nazirliyi səyyar yoxlamaların səviyyəsinin azaldığını bildirir](https://turan.az/resized/750/500/resize/media/2014/main/030600071700.jpg)
Vergilər Nazirliyi səyyar yoxlamaların səviyyəsinin azaldığını bildirir
2013-cü ildə 9504 kommersiya subyektində səyyar yoxlamalar aparıb. Statistika göstərir ki, azalma faizi 14,8%-dir. Amma vergi ödəyiciləri yoxlamaların çoxluğundan şikayət edir.
Vergilər Nazirliyinin məlumatına görə, 2013-cü ildə 5874 şirkətdə və 3630 fiziki şəxsdə səyyar vergi yoxlaması aparıb. Əvvəlki illər olduğu kimi, subyektlərin praktik olaraq hamısında (9467 subyekt) vergi qanunvericiliyinin pozulması aşkar edilib. Yoxlamalar nəticəsində əlavə hesablanan vergi 442 mln manat olub. Bu, 2012-ci ildən 134,5 mln manat və ya 43,7% çoxdur. Vergi ödəyiciləri maliyyə sanksiyaları üzrə 268,7 mln manat ödəyib.
Keçmiş vergi işçisi, hazırda «Yasavul» hüquq firmasının rəhbəri Əliabbas Rüstəmov Turan-a deyib ki, səyyar yoxlamaların səviyyəsinin azalması və vergi ödəyicilərinin 4,2%-i əhatə etməsi barədə deyilənlər doğru deyil. Onun sözlərinə görə, yoxlamalar praktik olaraq bütün şirkət və fiziki şəxsləri əhatə edir, nəticədə onların bəziləri iflasa uğrayır. «Qoy Vergilər Nazirliyi real fəaliyyət göstərən şirkətlər haqda statistikanı açıqlasınlar və oliqarxların obyektlərini yoxlayıb-yoxlamadıqlarını desinlər», deyə o bildirib.
Ekspertlərə görə, yoxlanan obyektlərdə 100% pozuntu aşkarlanmaıs onu göstərir ki, vergi inzibatçılığında islahatlar könüllü və düzgün vergi ödənişi ilə nəticələnmir. Vergi dərəcəsinə yenidən baxılması da tələb edilir.
Beynəlxalq Maliyyə Korporasiyasının ötən illərdəki moniqorinqi göstərib ki, vergi yoxlamaları çətnilik yaradır və korrupsiyanı artırır. IFC aşkar edib ki, xronometrik metod sahibkarlara təzyiq üçün riskə daha çox məruz qalır. Bu metod maraqların münaqişəsi və vergi ödəyiciləri ilə qeyri-rəsmi münasibətlər üçün zəmin yaradır.
IFC-i sorğusu göstərib ki, fərdi sahibkarların 81%-i və KOS subyektlərinin 70%-i hər il yoxlamaya məruz qalır. Yoxlamaların 90%-i Vergilər Nazirliyi aparır. Yoxlamaların 60%-i yoxlamalar barədə uçot kitabçasında qeyd edilmir.
Hazırda vergi və başqa yoxlamaların xüsusi elektron dövlət reyestrində qeydiyyatı aparılır. 08B
-
- İqtisadiyyat
- 6 Mart 2014 16:27
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz