Neft Fondunun mənzil qərargahı nə vaxt hazır olacaq?

Bu suala Azərbaycanda çətin ki kimsə dəqiq cavab verə bilsin. Ancaq hamı yaxşı xatırlayır ki, AzTv 29 dekabr 2009-cu ildə Fondun yaradılmasının 10 illiyi münasibətilə H.Əliyev prospektində binanın təməlqoyma mərasimi keçirildi: o vaxt deyildi ki, bina 2013-cü ilin ortalarına hazır olacaq. 

O vaxtdan 31 ay keçir, amma tikintinin başa çatması barədə heç bir məlumat verilmir. 

Məsələ burasındadır ki, podratçı Belçikanın N.V. Besix S.A şirkəti ilə müqavilə 24 ay sonra - 20 dekabr 2011-ci ildə bağlanılıb. Rəsmi məlumata görə, layihənin müqavilə qiyməti 84,916 mln avrodur. Fond binanın istismara verilməsi barədə ehtimal olunan tarixi də bildirmir. Vizual müşahidə ilə tikinti meydançasında qaynar iş getdiyini demək olmaz. 

Layihə üzrə xeyli iş görülməlidir. Binanın hündürlüyü 117 metr (mayakla birgə 140 metr), yerüstü mərtəbə sayı 24, ümumi sahə 35,834 min m2 olacaq. Layihədə 7 lift və 2 mərtəbəli yeraltı qaraj nəzərdə tutulub. 

Ehtimal ki, Neft Fondu yeni binaya 2016-cı ildən tez köçməyəcək. Hələlik isə o, Dalğa Plaza biznes mərkəzində yerləşir. --12B-