Neft Məktəbi ARDNŞ-ni kadrla təmin edıəcək

Bu tədris ilində Bakı Ali Neft Məktəbində (ARDNŞ strukturu) ilk dəfə 100 tələbə məşğələyə başlayacaq. Məktəbin rektoru Eldar Qasımovun sözlərinə görə, onlar iki ixtisas – “neft-qaz mühəndisliyi” və “kimya mühəndisliyi” üzrə təhil alacaqlar. 

İlk ildə NM tələbələri intensiv şəkildə ingilis dilini, qalan 4 ildə əsas ixtisası öyrənəcəklər. 

Təhsil pulsuzdur, tələbələri 600-dən çox bal toplayan abituriyentlər sırasından seçirlər. Təhsil zamanı tələbələrə fərdi kompüter və 100 manat təqaüd verilir. Fərdi təqaüdlər də nəzərdə tutulub. 

"Məktəbə qəbul zamanı kəmiyyət yox, keyfiyyətə diqqət yetirəcəyik. Pulsuz təhsil istedadlıları seçmək imkanı verəcək", - deyə Qasımov qeyd edib. 

NM-də təhsil Britaniyanın Heriot-Watt proqramı üzrə olacaq. Bir Britaniya mütəxəssisi daimi əsasda məktəbədə işləyəcək. Burada Türkiyə və Böyük Britaniyalı müəllimlər dərs verəcək. 

Məktəbin başqa bir üstünlüyü odur ki, tələbələr sonradan ARDNŞ-də işlə təmin ediləcək. 

Hazırda Bibiheybətdə məktəb üçün yeni bina tikilir. 

* Azərbaycanda 1920-ci ildən neft ali məktəbi var. Burada hər il 2,5-3 min xarici tələbə oxuyurdu. Müstəqillik illərində Neft Akademiyası öz şöhrətini itirdi, buraya daha az bal toplayan abituriyentlər qəbul olunur. ARDNŞ rəhbərliyi bir neçə dəfə burada tələbələrin hazırlıq səviyyəsindən narazılıq edib. --12В—