Özbəkistan Azərbaycanla münasibətlərin inkişafına mühüm önəm verir və ölkənin regionda artan geosiyasi rolunu nəzərə alaraq, onu Cənubi Qafqazda əsas tərəfdaşı kimi görür. Bu barədə Özbəkistanın Bakıdakı səfiri Şerzod Fayziyev bugünkü mətbuat konfransında bildirib.
Qarabağ münaqişəsinə toxunan səfir qeyd edib ki, Özbəkistan problemin Azərbaycanın ərazi bütövlüyü çərçivəsində dinc yolla nizamlanmasına tərəfdardır.
O həmçinin ticari-iqtisadi əməkdaşlığın, qarşılıqlı investisiyaların genişləndirilməsi üçün böyük potensialın olmasından, iki ölkənin nəqliyyat-tranzit imkanlarından danışıb.
Səfirin sözlərinə görə, ötən il iki ölkə arasında əmtəə dövriyyəsi 60 mln. dollar təşkil edib, lakin bu, ticari-iqtisadi əməkdaşlıq potensialına cavab vermir.
“Hökumətlərarası komissiya çərçivəsində biz əməkdaşlığın bir çox istiqamətlərini müəyyən etmişik”, - o vurğulayıb. O, belə istiqamətlərdən biri kimi toxuculuq sənayesini göstərib. Belə ki, Özbəkistan yalnız xam pambıq istehsalı üzrə deyil, həm də hazır məhsul üzrə liderdir.
Azərbaycanın nəqliyyat-kommunikasiya imkanları, əsasən Qara və Aralıq dənizlərinə çıxış Özbəkistan üçün böyük maraq doğurur. Azərbaycanın zəngin təcrübəsini nəzərə alaraq, neft-qaz sahəsində layihələrin reallaşmasında böyük əməkdaşlıq imkanları var.
Özbəkistan öz növbəsində ölkənin tranzit imkanlarından istifadəni təklif etməyə hazırdır. 2008-ci ildə Nəvaidə beynəlxalq nəqliyyat qovşağı yaradılıb. Azərbaycan aviadaşıyıcıları bunun vasitəsilə Asiya və cənub-şərqi Asiya ölkələrinə yüklərin daşınmasını təmin edə bilər. Yeri gəlmişkən, qovşaq burada yaradılmış azad sənaye-iqtisadi zonaya daxildir.
Ş.Fayziyev bildirib ki, bu ilin sonunadək Bakıda iqtisadi əməkdaşlıq üzrə ikitərəfli hökumətlərarası komissiyanın növbəti iclası olacaq.
Özbəkistanın türkdilli dövlətlərin çoxtərəfli əməkdaşlıq formatında iştirak etməməsinin səbəbləri ilə bağlı sualın cavabında səfir deyib ki, dövlətlərin etniklik əsasında birləşməsi onun ölkəsinin maraqlarına uyğun deyil. 06B-
İqtisadiyyat
-
2024-cü il arxada qalıb. Azərbaycan özünü bir yolayrıcında tapır — dünya iqtisadiyyatının bəzi sektorlarında əhəmiyyətli yer tutaraq, lakin daha geniş sosial-iqtisadi inkişafına mane olan problemlərlə mübarizəni davam etdirir. Enerji daşıyıcılarının ixracından logistik dəhlizlərə qədər ölkə öz nişini tapıb, lakin sosial-iqtisadi strukturundakı çatlar getdikcə daha çətin nəzərdən qaçırılır. Gəlin rəqəmlərə nəzər salaq və ekspertlərin Azərbaycanın qlobal mövqeyi barədə fikirlərinə qulaq asaq.
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
Rəy yaz