Bu ilin on ayında Azərbaycanda qara metallurgiya mallarının əsas növlərinin istehsal həcmi azalıb. Paralel olaraq idxal həcmi artıb, deyə rəsmi mənbələr bildirir.
Dövlətstatkomun məlumatına görə, yanvar-oktyabrda polad ərinti istehsalı 9,9% azalaraq 234,2 min ton təşkil edib. Deyilən dövrdə 184,4 min ton tikinti armaturu istehsal edilib. Bu, ötən ilin eyni dövründəkindən 5,6% azdır. Polad boru prokatı da (29,8 min ton, -1,6%) azalıb.
Gömrük Komitəsinin məlumatına görə, yanvar-oktyabrda $1 mlrd 316,1 mln məbləğində qara metal və qara metal məmulatı idxal edilib. İdxal 70,2% artıb, idxalda qara metalın xüsusi çəkisi 17%-i keçib.
Azərbaycan müəssisələri $28,3 mln məbləğində qara metal məmulatı ixrac edib. Bu, ötən ilin eyni dövründəkindən 22,8% azdır.
Dövlətstatkomda Turan-a bildiriblər ki, ilin 9 ayında ümumi bəyannamə qiyməti $100,5 mln olan 212,5 min ton polad artamtur idxal olunub. Yerli istehsalçılar $33,5 mln məbləğində qara metallurgiya malı ixrac edib.
Azərbaycanın əsas metallurgiya müəssisəsi “Baku Steel Company”dir. Ölkədə polad boru istehsal edən azı üç müəssisə var. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz