Qazaxıstan baş naziri Bakitjan Saqintaevin Tbilisiyə səfərinin əsas mövzusu Transxəzər marşrutunun yaradılması idi.
Gürcüstan hökumətinin nümayəndələri ilə danışıqlardan sonra Saqintaev jurnalistlərə bildirib ki, Gürcüstan, Qazaxıstan və Azərbaycanın dəmiryolu idarələri Çin limanlarından Batumiyə, oradan isə Türkiyə və Avropaya yük nəqli üçün konsorsium yaradılması haqqında razılıq əldə ediblər.
"Bu, hamı üçün çox sərfəli tranzit marşrutudur və biz hamımız belə bir konsorsiumun yaradılmasında ciddi şəkildə maraqlıyıq", deyə o bildirib.
Gürcüstanın iqtisadiyyat naziri Dmitri Kumsişvili Qazaxıstan baş nazirini inandırıb ki, Qazaxıstanın Batumi limanına 142 mln. dollar ölçüsündə investisiyası qorunacaq. Kumsişvilinin sözlərinə görə, Qazaxıstan tərəfi Batumi limanını və neft terminalını tərk etməyəcəyinə, bundan başqa, bu obyektlərdə yeni investisiyalar həyata keçirməyi planlaşdırdığına zəmanət verib.
Xatırladaq ki, bir gün əvvəl Saqintaev Bakıda elə həmin mövzuda danışıqlar aparıb. Söhbət Çindən böyük həcmdə yüklərin Xəzər vasitəsilə Aktau limanından Bakıya, oradan isə Qara dənizdə Batumi limanına, daha sonra isə Avropa və Türkiyəyə göndərilməsi üçün dəmiryolu bərə keçidinin təşkilindən gedirdi. -02D-
İqtisadiyyat
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
Rəy yaz