“Qiymətləndirmə fəaliyyəti haqqında” qanuna yenidən baxılmalıdır. Bu gün Azərbaycan Qiymətləndiricilər Cəmiyyətinin konfransında onun sədri İbrahim Quliyev deyib ki, 1998-ci ildə qəbul ediləndən sənəddə dəyişiklik edilməyib.
Milli Məclisin üzvü Xanhüseyn Kazımlı bildirib ki, qanunun yeni redaksiyası hazırlanıb və bu il MM-də müzakirəyə çıxarılacaq. Əvvəlki redaksiyada qiymətləndirmə şirkətlərinin hüquq və vəzifələri, qiymətləndirmə obyekt və subyektləri müəyyən edilib. Qiymətləndirmə fəaliyyəti üzərində İİN formal nəzarət aparır.
İndi qiymətləndirmə fəaliyyəti lisenziyalıdır (bu da məcburi deyil), yeni variantda qiymətləndiricilərin məcburi sertifikatlaşdırılması nəzərdə tutulur. Mövcud qanuna əsasən, ciddi pozuntu olanda qiymətləndiricinin fəaliyyəti qadağan edilə bilər. Amma hər bankın öz strukturu var. Banklar kredit almaq üçün müraciət edən sahibkarların təqdim etdiyi girovu yalnız özlərinə yaxın olan qiymətləndirici şirkətlər vasitəsi ilə qiymətləndirirlər. Bu da bəzi hallarda girovun real dəyərindən qat-qat aşağı qiymətləndirilməsinə səbəb olur. Millət vəkili bildirib ki, qiymətləndirmə sahəsində hökm sürən inhisarçılıq regionda fəaliyyət göstərən sahibkarların bankdan kredit götürmə prosesini çətinləşdirir. Çünki banklar regiondakı əmlakı qiymətləndirməkdən və girov kimi qəbul etməkdən imtina edir. Bu isə diskriminasiya yaradır.
Deputatın sözlərinə görə, yeni qanun daha ədalətli olacaq, müasir praktikanı nəzərə alacaq. Əmlak sahibi, vətəndaş, qiymətləndirici və hökumət strukturlarının münasibətlərini tənzimləyəcək. Onların fəaliyyətinin sığortalanması lazmdır. Əmlaka verdikləri qiymət məhkmənin qiyməti ilə üst-üstə düşməlidir.
Yeni redaksiyada qiymətləndirici üçüncü tərəf olacaq, nə bankın, nə əmlak sahibinin maraqlarını təmsil edə bilməz.
Azərbaycan Qiymətləndiricilər Cəmiyyətinin məlumatına görə, ölkədə 92 qiymətləndirmə strukturu var. 2009-cu ildə Standartlaşdırma, Metrologiya və Patent üzrə Dövlət Komitəsi 9 milli qiymət standartı müəyyən edib. --17D—
İqtisadiyyat
-
2024-cü il arxada qalıb. Azərbaycan özünü bir yolayrıcında tapır — dünya iqtisadiyyatının bəzi sektorlarında əhəmiyyətli yer tutaraq, lakin daha geniş sosial-iqtisadi inkişafına mane olan problemlərlə mübarizəni davam etdirir. Enerji daşıyıcılarının ixracından logistik dəhlizlərə qədər ölkə öz nişini tapıb, lakin sosial-iqtisadi strukturundakı çatlar getdikcə daha çətin nəzərdən qaçırılır. Gəlin rəqəmlərə nəzər salaq və ekspertlərin Azərbaycanın qlobal mövqeyi barədə fikirlərinə qulaq asaq.
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
Rəy yaz