Qiymətli kağızlar bazarının peşəkar iştirakçılarının lisenziyalaşdırılması avtomatlaşdırılacaq

Noyabrın 3-də Qiymətli Kağızlar üzrə Dövlət Komitəsinin (QKDK) kollegiya iclasında  qiymətli kağızlar  bazarının peşəkar iştirakçılarının lisenziyalaşdırılması prosesinn sadələşdirilməsi və avtomatlaşdırılması haqda  qərar qəbul edilib.  Bu istiqamətdə iş İqtisadiyyat və Sənaye Nazirliyi və ASAN xidmət ilə birgə həyata keçiriləcək. Bu barədə qurumun məlumatında deyilir.

2014-cü ildən qiymətli kağızlar bazarının peşəkar iştirakçılarında səyyar yoxlamalar dayandırılıb və hesabatlılıq elektron qaydada təqdim edilən sənədlər əsasında yoxlanılır.

Qeyd edək ki, qanunvericiliyə görə, qiymətli kağızlar bazarının peşəkar iştirakçıları öz fəaliyyətini yalnız pulla alınan xüsusi icazələr (lisenziya) əsasında həyata keçirə bilər. Liseniya 5 il müddətinə verilir.   “Qiymətli kağızlar haqqında” qanunun qüvvəyə minməsilə 2016-cı ildən bu lisenziyalar müddətsiz olacaq.

QKDK-nın məlumatında bir çox hallarda investorların hüquqlarının pozulmasına səbəb olan qiymətli kağızlar emitentlərinin yoxlanması barədə danışılmır. Bu cür müraciətlərin əsasında 2015-ci ilin 9 ayında QKDK 122 səhmdar şirkəti ümumi məbləği 152,5 min həcmində inzibati cərimə edib.08D