Rusiyadan minik avtomobillərinin idxalı azalır

Azərbaycana minik avtomobillərinin idxalında Rusiyanın payı ildən ilə azalır, bu məsələdə 2012-ci ildən avtonəqliyyat vasitələri tərəfindən atmosferə zərərli maddələrin tullanması ilə bağlı ekoloji normaların tətbiqinin də rolu böyük olub.

Dövlət Statistika Komitəsinin məlumatına görə, 2013-cü ildə Azərbaycana diler və distribyutorlar tərəfindən ümumi deklarasiya olunmuş məbləği 69 mln dollar olan 8398 minik avtomobili gətirilib. Bu da ötən il ərzində  ölkəyə idxal edilən təzə minik avtomobillərinin 10,3%-i təşkil edir. Yaxın keçmişdə bu göstərici 50%-ə çatırdı.
 RF Bakıdakı Ticarət Nümayəndəliyinin məlumatına görə, 2007-ci ildə Rusiyadan Azərbaycana 15195 minik avtomobili gətirilib. DSK-nin məlumatına görə, 2007-ci ildə Azərbaycana ümumi dəyəri 278,9 mln dollar olan 34 mindən artıq minik avtomobili gətirilib.

Rusiya minik avtomobilləri gömrükdə orta hesabla 8 220 dollara deklarasiya edilir. Bu da 2007-ci  ildən 0,4% çoxdur.

RF-dən Azərbaycana əsas avtomobil idxalçısı səhmdarlarından birinin Rusiyanın «Avto-VAZ» şirkətinin olduğu “Xazar-Lada” ASC-dir.
Aprelin 1-dən qüvvəyə minən avtonəqliyyat vasitələrinə tətbiq edilən Avro-4 ekoloji standartlara əsasən, RF-dən 2013-cü ildə və daha sonra istehsal olunan avtomobil gətirmək olar. 08B