Prezident İlham Əliyev 2009-cu ildə dövlət büdcəsi vəsaiti ilə tikilən Qusar rayonunun qış-yay turizm kompleksinin bazasında “Şahdağ Turizm Mərkəzi” Qapalı Səhmdar Cəmiyyəti yaradılması barədə sərəncam verib.
Səhmlər Mədəniyyət və Turizm Nazirliyinin şəxsində dövlətə məxsusdur.
QSC turizm və digər infrastruktur obyektlərini, nəqliyyat və kommunikasiya xətlərini istismara qəbul edir, həmin obyektlərin idarə edilməsini, o cümlədən müstəqil surətdə hüquqi və fiziki şəxslərlə müqavilə bağlayaraq istifadəyə verilməsini təmin edir. Ekspertlər turizm biznesinə belə yanaşmanı məqbul saymır.
İqtisadçı Natiq Cəfərli hesab edir ki, dövlət belə layihələrin maliyyələşməsində də iştirak edə bilər. «Amma sonrakı mərhələdə onların həyata keçirilməsindən uzaqlaşmalıdır. Çünki belə investisiya layihələrinin inkişafı, saxlanması və istismarı dövlət üçün yükə çevrilir», - deyə ekspert düşünür.
Şahdağ Qış-Yay Turizm Kompleksinin tikintisinə 2009-cu ildən başlanılıb. Ərazisi 2 min hektardan artıq sahəni əhatə edir. Kompleksdə 500 yerlik 3 hotel, uzunluğu 6 min metrdən artıq olan 7 kanat yolu, 13 min metr olan 11 dağ-xizək enişi tikilib. Baş plana əsasən, nəzərdə tutulan obyektlərin tikintisi tam başa çatdıqdan sonra hər gün 10 min turisti qəbul etmək mümkün olacaq, iş yerlərinin sayı isə 5 minə çatdırılacaq. 08D
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz