2014-cü il üzrə dövlət büdcəsinin icrası ilə bağlı müstəqil ekspert rəyi açıqlanıb

İqtisadi Təşəbbüslərə Yardım İctimai Birliyi (Milli Büdcə Qrupu Koalisiyasının üzvü) ( http://www.budget.az/upload/files/SEI_budget2014_icra_rey.pdf) 2014-cü il üzrə dövlət büdcəsinin icrası üzrə müstəqil ekspert rəyi açıqlayıb.

Dövlət büdcəsinin gəlirlər və xərclər hissəsinin şəffaflıq problemləri də ümumiləşdirilib.  

Büdcə şəffaflığının, büdcə icrasının səmərəliliyinin və hesabatlılığının artırılması üçün büdcə hesabatında aşağıdakı məlumatların əks etdirilməsi zəruri sayılır:

- hər bir rayon üzrə gəlir və xərclərin strukturu göstərilməklə proqnozlaşdırılan və icra olunan yerli gəlir və xərclərə dair məlumatlar;

- icra olunmuş investisiya layihələrinin tam siyahısı (hər bir layihə üzrə məbləğlər göstərilməklə)

- büdcə fondları onların gəlrilərinin həcmi və növləri, xərclərinin həcmi və istiqamətləri barədə məlumatlar;

- büdcənin Ehtiyat Fondunun və Prezidentin Ehtiyat Fondunun

xərcləmələrinin hər bir istiqamət üzrə konkret məbləği;

- büdcədənkənar gəlirlərin ümumi həcmini, mənbələr və təşkilatlar üzrə

məbləğini əks etdirən məlumatlar.

Yekunda qeyd edilir ki, 2014-cü ildə dövlət büdcəsinin gəlirləri proqnozdan 0,1% çox olub və 18 mlrd 400 mln manat təşkil edib. 2013-cü illə müqayiədə gəlirlər 1 mlrd  95,7 mln mant azalıb.

2014-cü ildə dövlət büdcəsinin xərcləri 18,7 mlrd manat və ya proqnozdan 1 mlrd 354 mln manat az olub.. Bu, əvvəlki ilin xərclərindən 434,5 milyon manat, yaxud 2,3 % azdır. Dövlət büdcəsinin kəsirləri 308 mln manat olub.

Dövlət büdcəsinin neftdən asılılığı 4% azalıb: 2013-cü ildə neft sektoru 70% təmin edirdi. Amma bu azalma ARDNF-dən transfertlərin azalması ilə bağlıdır. 2014-cü ildə  Fond dövlət büdcəsinin gəlirlərinin 9 mlrd 337 mln manatını təmin edib. Bu,  2013-cü ildəkindən 2 mlrd manat azdır.

Özəl sektordan dövlət büdcəsinin gəlirləri 2014-cü ildə 183,7 mln manat azalaraq 5 mlrd 7,3 mln manat olub.

Hökumət dövlət büdcəsinin layihəsini mətbuatda dərc etsə də, onun tərtibi və müzakirəsində ictimai iştirak sezilmir.  08D