Sənaye məhsullarının 83%-i Bakıda istehsal olunur
Bu ilin 9 ayında Bakıda sənaye istehsalının həcmi 16 mlrd. 365,3 mln. manat təşkil edib ki, bu da müqayisə olunan qiymətlərlə 2014-cü ilin uyğun dövründən 1,2% çoxdur. Bu barədə Turan-a paytaxtın Statistika İdarəsindən məlumat verilib.
Həmin müddətdə Bakı şəhərinin payına ölkənin sənaye məhsullarının 83%-i düşüb.
Hökumət qeyd edir ki, 2003-cü ildə regionların sosial-iqtisadi inkişafı üzrə üç Dövlət proqramının qəbul olunması nəticəsində Bakı şəhərindən kənarda yüzlərlə müəssisə açılıb. Bu, regionlarda istehsalın, məşğulluğun artmasına gətirib çıxarıb. Lakin paytaxt ölkənin sənaye mərkəzi olaraq qalır və çox güman ki, bu, hələ uzun illər belə olacaq, iqtisadçılar hesab edirlər.
Dövlət Statistika Komitəsinin məlumatına görə, 2014-cü ildə Bakıda 24 sənaye müəssisəsi fəaliyyətini dayandırıb. Bu ilin əvvəlində onların sayı 1225 ədəd təşkil edib. 6 il öncə Bakıda 1380 sənaye müəssisəsi fəaliyyət göstərib.
2014-cü ildə Bakıda sənaye isytehsalının həcmi 6,7% azalaraq 28,2 mlrd. manat təşkil edib.08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz