Sığorta bazarında təmərküzləşmə artır

2016-cı ilin birinci yarısında Azərbaycanda sığortaçılar sığorta haqları 285 mln 348,765 min manat təşkil edib. Bu, ötən ilin analoji dövrünün göstəricisindən 17,7% çoxdur. Bu barədə Maliyyə Bazarlarına Nəzarət Palatasından məlumat verilib.

Maraqlıdır ki, risklərin idarə edilməsi ilk beşliyin əlində cəmlənib: Pasha Sığorta 64,61 mln manat və ya 22,64%, Pasha Hayat Sığorta 45,03 mln, AzərSığorta  32,7 mln manat, Atəşgah - 21,33 mln, Atəşgah Həyat Sığorta - 19,96 mln. Yəni 1 iyul üçün sığorta haqlarının 183,63 mln manatı və ya 64,4% beşliyin əlində cəmlənib.  

Ekspertlərin fikrincə, vəsaitlərin Pasha Holdingə aid şirkətlərin əlində toplanması  (üçdə bir) narahatlıq doğurur. Belə ki, KTS A-Qroup-un əlindən alınıb, korporativ müqavilələr ələ keçirilib. Bu, rəqiblərin iflas həddinə çatdırılması üzrə yeganə fakt deyil. Ödənişlər mükafatların 80-120% həddinə çatanda strukturların mövcudluğu sual altına düşür.

Könüllü mükafatlar 177,1 mln manat (+15,54%), ödənişlər 75,1 mln (+4,93%) olub. Həyat sığortası şirkətləri 81,93 mln əldə edib, ödənişlər 36,77 mln manat olub.

Ödənişlərin ümumi həcmi 101,4 mln manat (+10,1%) olub. Yəni 100 manata 35,5% (ötən ilin eyni dövrünə nisbətən mənfi 2,5%) ödənilib. --17D—