Sığorta ödənişləri bir dəfə yarım artıb

Yanvar-avqustda sığorta şirkətləri 58 mln 873,05 min manat ödəniş ediblər. Bu, ötən ilkindən 38,4% çoxdur. Könüllü növlər üzrə 48 mln 897,2 min manat ödənilib. 

Daha çox kompensasiya KTS - 25,12 mln manat və avtonəqliyyat vasitələrinin sığortası üzrədir - 14,35 mln manat. Könüllü həyat sığortası üzrə 2,79 mln manat, səyahət sığoratsı üzrə 132,93 min manat ödənilib. 

Bədbəxt hadisə və xəstəliklərdən sığorta üzrə 1,02 mln manat, əmlakın yanğından və başqa risklərdən sığortası üzrə 2,14 mln manat, su nəqliyyatının sığortası üzrə 750,46 min manat, hava nəqliyyatının sığortası üzrə 868,3 min manat (antirekord) kompensasiya edilib. Yük sığortası üzrə 161,57 min manat, avtonəqliyyat vasitələri sahiblərinin mülki məsuliyyətinin sığortası 147,9 min manat ödənilib. 

Mülki-hüquqi aktlar üzrə məsuliyyətin sığortası üzrə 7,51 min manat, ümumi mülki məsuliyyətin sığortası üzrə 126,12 min manat, işə götürənlərin məsuliyyətinin sığortası üzrə 49,36 min manat ödəniş edilib. 

Ev heyvanlarının ölməsi və məhsulun zay olması üzrə 157,78 min manat ödənilib. 

İcbari növlər üzrə cəmi 9,98 mln manat kompensasiya edilib. Hərbçilərin icbari sığortası üzrə 5,01 mln manat, məhkəmə və hüquq-mühafizə orqanları əməkdaşlarının icbari sığortası üzrə 405,92 min manat, köhnə AVSMMİS üzrə 488,12 min manat ödənilib. 

Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 2,51 mln manat, əmlakın icbari sığortası üzrə 344,18 min manat, yanğından icbari sığorta üzrə 350,7 min manat ödəniş edilib. --17D—