Mükafatların 40%-i icbari növlərin payına düşür

Yanvar-avqustda icbari növlər üzrə 87 mln 199 min manat mükafat yığılıb. Onların xüsusi çəkisi 38,1%-dir. Bir ay əvvəl nisbət 29-un 71%-ə idi. Bu, İcbari Sığorta Bürosunun sığorta agentlərinin işinin gücləndiyini göstərir. 

Dövlət Sığorta Nəzarəti Xidmətinin məlumatına görə, onların çoxu avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrədir – 47 mln 217,83 min manat. 

Daşınmaz əmlakın icbari sığortası şirkətlərə 6 mln 784,08 min manat gətirib. Daşınmaz əmlakın istismarı zamanı mülki məsuliyyətin icbari sığortası üzrə 201,68 min manat, sərnişinlərin icbari sığortası üzrə 121,99 min manat toplanıb. 

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. Dövlət Sığorta Nəzarəti Xidmətinin rəhbəri Namiq Xəlilovun proqnozuna görə, bu il üzv sayı 15-ə çatacaq. 

Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

“İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər.

Əgər sığorta şirkəti icbari sığortanın bir neçə növünə dair xidmət göstərməkdə maraqlıdırsa, onda hər növə görə ayrıca depozit ödəməlidir.  --17D—

 

Rəy yaz

İqtisadiyyat

Qərb Ermənistanı müharibəyə hazırlayır? – Nahid Cəfərov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti