«Silk Way Insurance»ın gəlirləri 15,1% artıb

«Silk Way Insurance» sığorta şirkəti 2016-cı ildə 2015-ci ilə nisbətən ümumi gəlirlərini 3 mln 081,757 min manat və ya 15,1% artıraraq 23 mln 484,072 min manata çatdırıb.

Şirkətin əməliyyat gəlirləri 5% və ya 1 mln 025,055 min manat artaraq 21 mln 554,214 min manata çatıb. O cümlədən sığorta haqları 946,056 min manat və ya 5,2% artaraq 19 mln 034,091 min manat olub.

Hesabat dövründə «Silk Way Insurance»ın xərcləri 19 mln 183,550 min manata artlb – artım 812,142 min manat və ya 4,4% təşkil edib.

Əməliyyat xərcləri 18 mln 119,930 min manat, artım 456,082 min manat və ya 2,6% olub. 2016-cı ildə sığorta ödənişləri 2 mln 650,847 min manat olub – artım 29,800 min manat və ya 1,1%-dir.

«Silk Way Insurance»ın aktivləri 2015-ci ilə nisbətən 7 mln 316,328 min manat və ya 23,4% artaraq 38 mln 524,875 min manata çatıb.

Hesabat dövründə şirkətin öhdəlikləri 63,8% və ya 5 mln 358,430 min manat artaraq 13 mln 759,022 min manata çatıb.

«Silk Way Insurance»ın kapitalı 24 mln 765,853 min manat olub. 2015-ci ilə nisbətən bu göstərici 8,6% və ya 1 mln 957,898 min manat artıb.

2016-cı ildə şirkət 3 mln 440,417 min manat mənfəət əldə edib.

Nizamnamə kapitalı 14 mln 770 min manatdır. 71D