Dövlət Neft Şirkətinin baş ofisində SOCAR və ABŞ-ın UOP şirkəti arasında Heydər Əliyev adına NEZ-in yenidən qurulması layihəsi üzrə müqavilə imzalanıb, deyə şirkətin saytı bildirir.
UOP şirkəti NEZ-in strukturuna daxil olan qurğular, o cümlədən koks naftasının hidrotəmizləməsi, katalitik krekinq, izomerləşmə, MTBE, doymamış maye qazın merkaptan oksidləşdirilməsi, aminlə təmizləmə və sulfidin oksidləşməsi qurğuları inşa edəcək.
Rövnəq Abdullayev SOCAR ilə UOP arasında uzunmüddətli əməkdaşlığın mövcud olduğunu vurğulayıb. O, qeyd edib ki, NEZ-in strukturuna daxil olan katalitik reforminq qurğusu məhz UOP şirkətinin lisenziyası əsasında inşa edilib, NQENKK və NEZ-in yenidən qurulması layihələri üzrə Texniki İqtisadi Əsaslandırılma UOP şirkətinin iştirakı ilə həyata keçirilib. UOP şirkəti SOCAR-ın Türkiyədə həyata keçirdiyi STAR layihəsində də müxtəlif qurğular üzrə lisenziar seçilib.
Əvvəllər Abdullayevə istinadən bildirilirdi ki, SOCAR 2015-ci ilin sonunda Heydər Əliyev adına NEZ-in yenidən qurulmasına başlayacaq və 2018-ci ilin sonuna başa çatdıracaq. Bu, zavoda avro 5 standartına uyğun yüksək keyfiyyətli benzin və dizel yanacağı istehsal etməyə və ölkənin tələbatını 2030-cu ilə kimi təmin etməyə imkan yaradacaq.—12D--
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz