Dövlət Neft Şirkətinin baş ofisində SOCAR və ABŞ-ın UOP şirkəti arasında Heydər Əliyev adına NEZ-in yenidən qurulması layihəsi üzrə müqavilə imzalanıb, deyə şirkətin saytı bildirir.
UOP şirkəti NEZ-in strukturuna daxil olan qurğular, o cümlədən koks naftasının hidrotəmizləməsi, katalitik krekinq, izomerləşmə, MTBE, doymamış maye qazın merkaptan oksidləşdirilməsi, aminlə təmizləmə və sulfidin oksidləşməsi qurğuları inşa edəcək.
Rövnəq Abdullayev SOCAR ilə UOP arasında uzunmüddətli əməkdaşlığın mövcud olduğunu vurğulayıb. O, qeyd edib ki, NEZ-in strukturuna daxil olan katalitik reforminq qurğusu məhz UOP şirkətinin lisenziyası əsasında inşa edilib, NQENKK və NEZ-in yenidən qurulması layihələri üzrə Texniki İqtisadi Əsaslandırılma UOP şirkətinin iştirakı ilə həyata keçirilib. UOP şirkəti SOCAR-ın Türkiyədə həyata keçirdiyi STAR layihəsində də müxtəlif qurğular üzrə lisenziar seçilib.
Əvvəllər Abdullayevə istinadən bildirilirdi ki, SOCAR 2015-ci ilin sonunda Heydər Əliyev adına NEZ-in yenidən qurulmasına başlayacaq və 2018-ci ilin sonuna başa çatdıracaq. Bu, zavoda avro 5 standartına uyğun yüksək keyfiyyətli benzin və dizel yanacağı istehsal etməyə və ölkənin tələbatını 2030-cu ilə kimi təmin etməyə imkan yaradacaq.—12D--
İqtisadiyyat
-
Azərbaycan şirkətlərinin tərəfdaşlığı İtaliya hökumətinin İtaliyada strateji aktivlər üzrə beynəlxalq tenderində iştirak etmək üçün müraciət təqdim edib, Turan xəbər verir.
-
Gözlənilir ki, 2025-ci ildə orta Azərbaycan ailəsi büdcəsinin daha böyük hissəsini ərzaq məhsullarına ayıracaq. Bu artım sosial xərclərin artması və əməkhaqqının yüksəlməsi ilə bağlıdır.
-
Azərbaycanın Serbiyaya qaz tədarükünün müvəqqəti dayandırılması qarşısı alınacaq, Serbiya Prezidenti Aleksandar Vuçiç bazar günü açıqlayıb.
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
Rəy yaz