Son illər təhsil və səhiyyəyə dövlət investisiyalarının 4,6%-i ayrılıb

Neft sektorundan iqtiadiyyatın müxtəlif sahələrinə dövlət investisiyalarının bəhrəsi indi görünür. Norveçdə buna 20 il tələb olunmuşdu. Amma o ölkənin təcrübəsi müsbətdir.

Artıq hökumətin prioritetləri aydındır. Amma kənd təsərrüfatı, yeyniti, tütün, şərabçılıq, yüngül və kimya sənayesinə, energetikaya, metallurgiyaya, maşınqayırma və turizmə qoyulan vəsaitlər xərcini çıxarmır. Hər halda cəmiyyət bu layihələrdən mənfəəti hiss etmir, deyə iqtisadçı Qubad İbadoğlu düşünür.

İqtisadi Tədqiqatlar Mərkəzinin banisinin fikrincə, səbəb icraçılarla bağlıdır. Rabitə və İnformasiya Texnologiyaları Nazirliyinin layihələrinə qoyulan vəsaitlər real səmərə verir, amm sadalanan sahələrə investisiyalar ölkə miqyasında hiss olunmur.

Statistika əsasən nəticə çıxarmaq olar ki, Azərbayacn hökuməti ölkəni neft hasilatı və xidmət sahəsi hesabına inkişaf etdirmək istəyir. 2013-cü ildə 138 ölkə ilə əmtəə dövriyyəsi (ən azı $ 50 min) olub, xam neft ixracı sayəsində bunların 36-ı ilə müsbət saldo var.

2007-13-cü illərdə investisiya layihələrinə 32,5 mlrd manat xərclənib. Bunun 1,5 mlrd-ı təhsil və səhiyyəyə yönəldilib. Mədəniyyət və turizmə də bu qədər ayrılıb. Müqayisə üçün Bakı ŞİH-ə bu qədər, nəqliyyat layihələrinə 7 mlrd, içməli su təminatına 2 mlrd xərclənib.

İbadoğlu neft gəlirlərinin əbədi olmadığını xatırladıb və hökuməti bu vəsaitləri ağıllı xərcləməyə çağırıb. --17D—