«Sosial ödənişlər» sığorta kompensasiyalarının yarısı qədərdir

Sığorta şirkətləri yanvar-iyulda 49 mln 469,15 min manat sığorta ödənişi ediblər. Könüllü növlər üzrə 41 mln 84,49 min manat ödəniş edilib. «Sosial ödənişlər» könüllü kompensasiyaların yarısı qədərdir (57%). 

Bunun 12,47 mln manatı avtosığorta, 21,44 mln manatı KTS (ötən ilkindən 12 mln çox), 1,11 mln manat könüllü həyat sığortası üzrədir. 

Bədbəxt hadisə və xəstəliklərdən sığorta üzrə 931,06 min manat, əmlakın yanğından və başqa risklərdən sığortası üzrə 1,71 mln manat, hava nəqliyyatının sığortası üzrə 868,3 min manat (bütün illər üzrə antirekord), yük sığortası üzrə 160,37 min manat, nəqliyyat vasitələri sahiblərinin mülki məsuliyyətinin sığortası 135,39 min manat ödənilib. 

Mülki-hüquqi aktlar üzrə məsuliyyətin sığortası üzrə 7,51 min manat, ümumi mülki məsuliyyətin sığortası üzrə 125,2 min manat, işə götürənlərin məsuliyyətinin sığortası üzrə 48,65 min manat ödəniş olub. 

Ev heyvanlarının ölməsi və məhsulun məhv olması üzrə 127,41 min manat kompensasiya edilib. 

İcbari sığorta üzrə 8,38 mln manat ödəniş olub. Hərbçilərin icbari sığortası üzrə 4,43 mln manat, məhkəmə və hüquq-mühafizə orqanları əməkdaşlarının icbari sığortası üzrə 388,36 min manat, köhnə AVSMMİS üzrə 446,87 min manat ödənilib. 

Yeni növlər üzrə ödənişlər belədir: avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 1,73 mln manat, əmlakın icbari sığortası üzrə 189,33 min manat.