Sovetski küçəsi sakinlərinin tələblərinin arxasında nə durur?

Nərminaov prospektində evlərin sökülməsinə başlanması həm qiymət artımı, həm də etirazlarla nəticələnib. Bazar günü 5 minə qədər sakin № 173 məktəbin qarşısında mitinq kçeirib. 

Onlar sənədlərdə göstərilən 10-20 kv m üçün 1,5 min manat kompensasiyaya etiraz edirlər. Onlar evsiz qala bilərlər, ona görə 2,5 min manat tələb edirlər. Hazırda ən ucuz ev Xəzər rayonundadır. – 1 otaqlı təmirsiz ev 22,5 min manata satılır. 

«Mülkiyyət bazarı iştirakçıları» İB-nin eksperti Rövşən Talıbzadə Turan-a bildirib ki, mənzilə tələbat köçürməyə görə kompensasiya və ipoteka ilə bağlı çoxalıb. Bundan başqa, varlılar (dövlət quluqçuları, hüquq mühafizə orqanlarının əməkdaşları, biznesmenlər, MDB-də yaşayan azərbaycanlılar) bir neçə eva alır. Onun sözlərinə görə, köçürülən rayonların sakinləri (həmçinin Xutor, Kubinka, Papanin küçəsi) 10 ildən çoxdur bunun olacağını bilir. Onlar xəbərdarlıqlara məhəl qoyumur, təmir və yenidənqurma aparıb. «MBA Group Consulting» şirkətinin direktoru Nüsrət İbrahimovun fikrincə, ilkin və təkrar bazarda qiymət artımı maliyyə yığımı artımı və istehlak kreditləşməsi artımı ilə bağlıdır. Hətta ədalətsiz kompensasiya alanlar qalan məbləği bankdan və ya qohumlardan götürür. Kimin üçünsə 1,5 min manat azdır, amma bu qiymət və mərkəzdəki bahalıq şəhərin kənarlarına təhrik edir. Qiymət artımına iqtisadiyyatın sinusoidal inkişafı da təsir dir. 

Turan-ın məlumatına görə, bahalanmaya səbəblərdən biri də tikinti sektorunda oyunçuların azalmasıdır. İlkin bazarda xalq evləri yoxdur, «premium» və «elit» evlərə üstünlük verilir. Əgər 2010-cu ilin IV rübündə paytaxtın mənzil bazarında artım 3% olubsa, 2011-ci ildə  6%, 2012-ci ildə 9,8%, ötən il təkrar bazarda 20%, ilkin bazarda 28% olub. Bu il 6-10% bahalanma gözlənilir. 

Sovetski küçəsinin sakinlərinin çoxu 30-cu illərdən orda yaşayır. Onlar psixi cəhətdən də 20 - 30 km aralıya köçməyə hazır deyil. Hökumət Füzuli, Bədəlbəyli, M.Əliyev küçələrinin sakinləri kimi onlarında inadkar sakinlərini həbs edəcək, gecələr buldozerlə evlərini sökəcək, elektrik, qaz, suyunu kəsəcəkmi? 

Dünənki mitinqdə deyilib ki, bir həftə hakimiyyətin reaksiyasını gözləyəcəklər. Paralel olaraq dövlət başçısına müraciət hazırlanır. Bu küçədə təxminən 10 min ailə yaşayır. Evlərin çoxu birmərtəbəlidir. 

Əvvəlcə Dram Teatrından Cavid bağına kimi olan evlər söküləcək. İşlərin başa çatacağı tarix məlum deyil. 17D