Standard & Poor’s-dan bədbin proqnozlar
Standard & Poor’s beynəlxalq reytinq agentliyi Azərbaycanın xarici və milli valyutadakı uzunmüddətli kredit reytinqi ilə bağlı yeni proqnozunu açıqlayıb. Agentlik indiyədək “stabil” qiymətləndirilən proqnozu “neqativ”ə endirib. Proqnozun aşağı salınması ölkə iqtisadiyyatının zəifləməkdə olması ilə izah edilib.
Bu haqda agentliyin press-relizində bildirilir
Agentlik Azərbaycanın kredit reytinqini “BB+/B” səviyyəsində təsdiqləyib,
“2016-cı ilin 6 ayında Azərbaycan iqtisadiyyatının inkişaf tempi Standard & Poor’s -ün proqnozlaşdırdığından xeyli aşağı olub. Agenlik Azərbaycan iqtisadiyyatının 1 faiz azalacağını güman edirdi, ancaq faktik azalma 3,4 faiz təşkil edib. Standard & Poor’s 2016-cı ildə iqtisadiyyatın daha 3 faiz azalacağını, artımın isə 2017-ci ildə başlaya biləcəyini güman edir. Ancaq artım da böyük çətinliklərlə üzləşəcək”, deyə agentlik qeyd edir.
Standard & Poor’s ehtimal edir ki, 2017-ci ilə proqnozlaşdırılan ortalam 3 faizlik iqtisadi artım əldə edilməzsə, bunun ciddi neqativ nəticələri olacaq. Həyat standartları aşağı düşə, dövlətin fiskal çevikliyi zəifləyə bilər.
Standard & Poor’s-ün ehtimallarına görə, bu il Azərbaycanda ümumi daxili məhsulun həcmi 59 milyard manat təşkil edəcək. Qarşıdakı illərdə ÜDM-nin artacağı, 2019-cu ildə 77 milyarda çata biləcəyi güman edilir.
Azərbaycanın kredit reytinqlərində geriləmə əsasən, neftin ucuzlaşması ilə başlayıb.
Standard & Poor’s yanvarda Azərbaycanın kredit reytinqini “BB+” səviyyəsinə endirib. Bu “spekulyativ”, yaxud “zibil” səviyyə sayılır.
Fervralda “Fitch" də Azərbaycanın reytinqini azaldaraq, "BBB-" səviyyəsindən "BB+"yə endirib. Ardınca dövlət şirkətlərinin və bankların - Dövlət Neft Şirkətinin, Azərbaycan İpoteka Fondunun, “Azərenerji”nin və əksər bankların reytinlqəri aşağı salınıb.
-
- İqtisadiyyat
- 1 Avqust 2016 16:33
İqtisadiyyat
-
Azərbaycan Respublikası Dövlət Neft Şirkəti (SOCAR) və qlobal dəniz mühəndisliyi və tikinti sahəsində lider olan Subsea7, Xəzər dənizinin Azərbaycan sektorunda yeni layihələr üzrə əməkdaşlığı genişləndirmək istiqamətində müzakirələr aparırlar. SOCAR prezidenti Rövşən Nəcəf və Subsea7 baş direktoru Con Evans arasında keçirilən görüşdə tərəflər Subsea7-nin texnoloji yeniliklərinin qarşıdakı layihələrdə tətbiq edilməsi potensialını müzakirə etdilər. Həmçinin, hər iki şirkət üçün maraqlı olan digər mövzular da nəzərdən keçirildi.
-
Dövlət Gömrük Komitəsi və Dövlət Statistika Komitəsinin məlumatlarına görə, 2024-cü ilin ilk doqquz ayında Azərbaycanda ət idxalında əhəmiyyətli artım müşahidə olunub, daxili istehsalın daha mülayim artımı fonunda.
-
Çərşənbə günü Bakı şəhərində "Gələcəyin Dayanıqlı Nəqliyyatı" adlı tədbir keçirilir. Tədbir, ətraf mühitə mənfi təsiri minimuma endirən dayanıqlı nəqliyyat konseptlərini təşviq etmək məqsədi ilə "Azərbaycan Dəmir Yolları" QSC-nin dəstəyi ilə təşkil olunub. Tədbirdə, istixana qazlarının emissiyalarının azaldılmasına töhfə verən piyada gəzintisi, velosiped sürmə, yaşıl ictimai nəqliyyat sistemləri və ekoloji cəhətdən təmiz nəqliyyat vasitələri kimi ətraf mühitə dost nəqliyyat variantları vurğulanıb.
-
2024-cü il oktyabrın 23-də Çinin Qingdao şəhərində “Bir kəmər, bir yol” (OBOR) təşəbbüsü çərçivəsində 3-cü Energetika Nazirlərinin Konfransı açılıb. Dünyanın müxtəlif ölkələrindən energetika nazirləri qlobal enerji təhlükəsizliyi, təmiz enerjiyə keçid və sektorda yeniliklərlə bağlı vacib məsələləri müzakirə etmək üçün toplaşıblar.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 196
Rəy yaz