“AzerFloat” QSC Sumqayıt Kimya Sənaye Parkının növbəti rezidenti olub.
İqtisadiyyat və Sənaye Nazirliyinin mətbuat xidmətində Turan-a deyiblər ki, “AzerFloat” QSC sənaye parkının ərazisində Float texnologiyası (isti vannada yayma) əsasında şüşə lövhələrin istehsalı ilə məşğul olacaq. Layihə çərçivəsində ildə 8 mln m2 müxtəlif çeşiddə şüşə lövhələr istehsal edəcək. Məhsulub bir hissəsi ixrac olunacaq.
Mütəxəssislərə görə, Azərbaycanın şüşə lövhələrə tələbatı 20 mln m2.-dir və idxal hesabına təmin edilir.
Yeni yaradılan müəssisənin layihələndirilməsi, onun bu sahəyə aid olan müasir avadanlıqlarla və qabaqcıl texnologiyalarla təchiz edilməsi ilə Almaniyanın “HORN Glass Industries AG” şirkəti məşğul olacaq.
Müəssisədə 150 nəfər çalışacaq. Buna qədər Sumqayıt Kimya Sənaye Parkının rezidentləri “SOCAR Polymer” MMC və “Azertexnolayn” MMC idi. Rezidentlər 7 illiyə vergidən azaddır.
Sumqayıt Kimya Sənaye Parkının yaradılması üçün 295,62 ha torpaq ayrılıb. Bunun 82 hektarı əvvəlki rezidentlərə verilib.
“AzerFloat” bu ilin martında yaradılıb. Hüquqi ünvanı belədir: Bakı, M.Əliyev küçəsi, 245, mənzil 29. Nizamnamə kapitalı 4 min manatdır. 08D
İqtisadiyyat
-
Azərbaycanın Nazirlər Kabineti 27 aprel 2023-cü il tarixli, 136 nömrəli Qərarla təsdiq edilmiş ölkənin istehlak bazarında strateji əhəmiyyətli malların siyahısına dəyişiklikləri təsdiqləyib. Yenilənmə, Dövlət Ehtiyatları haqqında Qanunun və müvafiq prezident fərmanının tətbiqi ilə əlaqədar həyata keçirilib, hökumət cümə axşamı elan edib.
-
Azərbaycan və Latviya işgüzar dairələrinin nümayəndələri Bakıdakı "Azərbaycan-Latviya İnformasiya və Şəbəkə Görüşü" çərçivəsində bir araya gəliblər. Tədbir, iki ölkə arasında iqtisadi əməkdaşlığın gücləndirilməsinə doğru atılan mühüm addım kimi qiymətləndirilir. Latviyanın Azərbaycandakı səfiri Edgars Skuya tədbirin hər iki ölkənin sahibkarlarını birləşdirmək, müxtəlif sahələrdə əməkdaşlığı artırmaq məqsədini daşıdığını vurğulayıb.
-
Noyabrın 7-də Azərbaycan Prezidenti Milli Məclis tərəfindən “Kredit büroları haqqında” Azərbaycan Respublikasının Qanununa edilən dəyişiklikləri təsdiqləyib. Dəyişikliklər haqqında qanunun mətni noyabrın 28-də dərc olunub.
-
Avropa Yenidənqurma və İnkişaf Bankı (EBRD) Azərbaycana dair 2024-2025-ci illər üçün keçid hesabatını təqdim edib və ölkəni iqtisadi idarəetməni yaxşılaşdırmaq və özəl sektorun inkişafına təkan vermək üçün cəsarətli addımlar atmağa çağırıb. Hesabatda Azərbaycanın iqtisadi inkişafı üçün əsas prioritetlər müəyyən edilib və enerji bazarlarının dəyişkənliyinə olan asılılığından irəli gələn problemlər vurğulanıb.
Rəy yaz