Ermənistan Avrasiya İqtisadi İttifaqına daxil olduqdan sonra Dağlıq Qarabağ bu quruma daxil olmayacaq. Bu barədə Belarus xarici işlər nazirinin birinci müavini Aleksandr Mixneviç bildirib, xəbəri BELTA agentliyi yayıb.
“Bizim Ermənistanın tərkibinə daxil olmayan ərazilərin Gömrük İttifaqının tərkibində ola bilməsi ilə bağlı narahatlığımız var idi.
Ermənistan tərəfi bu tələbi, bu istəyi anlayışla qarşıladı.Müqaviləyə Dağlıq Qarabağı Ermənistan Respublikasının bir hissəsi olmaması haqqında nota əlavə edildi. Ermənistan tərəfin rəsmi verbal bəyanatı verildi”, deyə nazir müavini Ermənistanın AAİİ-yə qoşulmasını şərh edərkən bildirib.
Ermənistanın AAİİ-yə daxil olması haqqında parlament dinləmələri zamanı Ermənistan xarici işlər nazirinin müavini Şavarş Koçaryan bildirib ki, vaxtilə Qazaxıstanın qaldırdığı və Ermənistanda rezonans doğurmuş məsələ yalnız Ermənistan və Dağlıq Qarabağ arasında gömrük məntəqəsinin olub-olmamasına aid idi.
“Biz yalnız Dağlıq Qarabağın Ermənistan Respublikasının ərazisi olmadığını təsdiq etdik. Biz onunla de-fakto dövlət kimi münasibətlər qururuq”. -02D-
Siyasət
-
Avropa İttifaqının 27 üzv dövləti Gürcüstandakı vəziyyəti, o cümlədən bu ölkə ilə vizasız rejimin ləğvi imkanını dekabrın 16-da keçiriləcək Xarici İşlər Şurasının iclasında müzakirə edəcək. Bu barədə cümə günü Aİ-nin Gürcüstandakı səfiri Pavel Hercinski məlumat verib.
-
Hüquq müdafiəçisi Rüfət Səfərov 1 saylı İstintaq Təcridxanasının personalının müttəhim Fazil Qasımova qarşı pis münasibətilə əlaqədar ombudsman Səbinə Əliyevaya müraciət edib. Bundan sonra vəziyyət yaxşılığa doğru dəyişib, əsəsən Qasımova icazə veriblər ki, mühafizəçinin nəzarəti olmadan iki saatdan çox qardaşı ilə söhbət etsin. Bu barədə Turan-a "Müdafiə xətti" hüquq-müdafiə təşkilatının rəhbəri Rüfət Səfərov bildirib.
-
Çərşənbə günü Bakı Ağır Cinayətlər Məhkəməsində birinci qrup əlil Famil Xəlilovun məhkəməsi davam edib. O, narkotik maddələrin qanunsuz dövriyyəsində ittiham olunur.
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
Rəy yaz