Sumqayıtda iş yerlərində əmək qanunvericiliyinin təbliği məqsədilə seminar keçirilib
Əmək qanunvericiliynə əməl edilməsi və əməyin mühafizəsi əhalinin sosial müdafiəsinin prioritet istiqamətlərindəndir. Dünən Sumqayıt şəhərində və Xızı rayonunda fəaliyyət göstərən 60-dək dövlət və özəl tibb müəssisələrinin rəhbərləri, məsul nümayəndələri, hüquq-mühafizə orqanlarının, digər dövlət idarələrinin və aidiyyatı təşkilatların nümayəndələri iştirakı ilə Seminar-müşavirə keçirilib.
Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsində Turan-a bildiriblər ki, nazirliyin 7 saylı region üzrə Dövlət Əmək Müfəttişliyinin rəisi Şəfa Əliyev əməyin tibbi-sosial mühafizəsi ilə bağlı qanunvericilikdən irəli gələn prinsiplərdən danışıb. Sumqayıt şəhər Səhiyyə Şöbəsinin müdiri Ələkbər Tağıyev layiqli əməyin təminatı, vətəndaşların əmək hüquqları, əməyin tibbi-sosial mühafizəsi barədə ətraflı məlumatlar verib.
Özəl sahibkarlıq subyektləri əhalinin savadsızlığı və bazardakı vəziyyətdən (az maaş, gənclər və qadınlar arasında işsizlik) istifadə edib fərdi əmək müqavilələrindən, uniforma və ayaqqabı təminatından boyun qaçırır. Bir çox işçilər məzuniyyət, əlavə işə görə əmək haqqı, 41 saatlıq iş günü və s-dən istifadə edə bilmir. Bu tələblər iş yerinin itirilməsi ilə nəticələnə bilər. 08D
-
- İqtisadiyyat
- 6 İyun 2013 15:42
-
- İqtisadiyyat
- 6 İyun 2013 15:46
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz