Tikinti materialları istehsalı 16,8% artıb

Əsas kapitala investisiya artımı tikinti materialları bazarında tələbat yaradır. Bu ilin I yarısında burda istehsal 16,8% artıb.

Dövlətstatkomun məlumatına görə, ilin əvvəlindən tikinti materialları istehsalının həcmi 194,7 mln manat olub. Bunun çoxu ementin payına düşür. Sement istehsalçıları 6 ayda istehsalı 39% artıraraq satış həcmini 1,3 mln tona çatdırıb.  

Maraqlıdır ki, digər tikinti materiallarının istehsalında (gips, kərpic, asfalt) azalma olub. İlin I yarısında istehsalçılar 51,8 min ton tikinti gipsi (-48,2%), 119,2 min kubmetr kərpic (-38,2%) və 144 min ton asfalt (-19%) istehsal edib.

İlin əvvəlindən tikinti materialları hasilatı 5,1% artıb. Ötən il tikinti qumu, daş və çınqıl çıxarılmasında 27,5% azalma olub. Karxanalarda 656,5 min ton qum (-32,3%), 201,2 min ton daş (+12%) və 742,8 min ton çınqıl (23,3%) çıxarılıb.

Dövlətstatkomun məlumatına görə, yanvar-iyunda tikinti materiallarının pərakəndə qiyməti illik hesablamada 1,2% bahalanıb. İstehsalçıların buraxılış qiyməti orta hesabla 0,3% artıb. 08D