Qiymətli kağızlar bazarının 3 peşəkar iştirakçısı “Valyuta və əmtəə əsaslı törəmə qiymətli kağızların ticarətinin təşkili, aparılması, klirinq və hesablaşmaların həyata keçirilməsinə dair Kollektiv Saziş” imzalayıb.
Bakı Fond Birjası” Qapalı Səhmdar Cəmiyyəti, Milli Depozit Mərkəzi Qapalı Səhmdar Cəmiyyəti və İnvest-AZ Məhdud Məsuliyyətli Cəmiyyəti arasında imzalanan sazişə əsasən, likvidliyi InvestAZ şirkəti tərəfindən təmin ediləcək yeni alətlər üzrə hesablaşmalar Milli Depozit Mərkəzi tərəfindən aparılacaq.
BFB-də Turan-a bildiriblər ki, saziş 19 martda imzalanıb və bir sıra aparıcı maliyyə institutları ona qoşulub.
2013-cü ildə BFB-da Meta Trader 4 platforması ayardılıb. Yeni birja alətləri bu platforma ilə tətbiq ediləcək.
“İnvest-AZ” şirkəti QK bazarında broker və diler lisenziyasını 2013-cü ildə alıb. Hələlik o özünü dövlət və korporativ QK bazarlarında göstərmir. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz