Transxəzər qaz kəməri yenə aktualdır

Ötən həftə Bakıda Azərbaycan-Türkmənistan iqtisadi əməkdaşlıq komissiyasının IV iclası keçirilib. Orda Azərbaycan-Türkmənistan münasibətlərinin yeni xarakteri təsdiq edilib. Tərəflər yeganə problem – iki yatağın kimə mənsubluğundan başqa bütün sahələrdə əməkdaşlığı inkişaf etdirəcək.

Azərbaycan-Türkmənistan iqtisadi əməkdaşlıq komissiyası iki ölkə liderlərinin Transxəzər qaz kəməri məsələsində də həmrəyliyini təsdiq edib. Həştərxan sammitindən sonra Bakıda keçirilən iclasda görülən işlər, qarşıdakı vəzifələr müzakirə edilib.

“Nezavisimaya qazeta”ya yaxşı məlumatı olan mənbə bildirib ki, Azərbaycanla Türkmənistan arasında iki neft yatağının taleyi məsələsinə toxunulmayıb. Bu yanaşma diqqəti birgə layihələrə cəmləşdirməyə imkan verir.

İclasın nəticələrini şərh edən Türkmənistanın Azərbaycandakı səfiri Toylı Komekov iki ölkə arasında idxal-ixrac münasibətlərinin perspektivini qeyd edib. Onun sözlərinə görə, müvafiq strukturlara Bakı və Türkmənbaşı limanları arasında yük daşınmasını artırmaq tapşırılıb.

Toylı Komekov deyib ki, humanitar və təhsil sahələrində ikitərəfli əlaqələr uğurla inkişaf edir. Hazırda Azərbaycanda 266 türkmən təhsil alır. Gələcəkdə onların sayı arta bilər. İclasda neft-qaz sahəsində birgə elmi tədqiqatlar, iki ölkə şirkətlərinin birgə sənaye və enerji layihələrində iştirakına diqqət ayrılıb. Rəsmi məlumatlarda konkretlik olmasa da, ekspertlər hesab edir ki, Transxəzər qaz kəməri məsələsinə toxunulduğunu istisna etmir.

Avropanın qaz təchizatını kəskinləşdirən Ukrayna hadisələri fonunda türkmən qazının Qərb istiqamətində nəqlinin bərpası aktuallaşır. Bu, yalnız Rusiyadan yan keçən Transxəzər qaz kəməri ilə mümkündür.

İndi söz Qərbindir. Yerli ekspertlərə görə, Avropa siyasi iradə göstərib RF və İranın müqavimətini qırsa, kəmərin tikintisi üçün lazımi imvestisiya cəlb edə bilsə, layihə həyata keçə bilər. Bu məsələdə enerji təhlükəsizliyini düşünən Qərb özü maraqlı olmalıdır. Azərbaycanla Türkmənistan hazırda öz qazını ixrac edir, Transxəzər qaz kəməri cəlbedici olsa da, bu ölkələr özlərinə əlavə problem yaratmaq istəmirlər. –0--