Xəzər qazı Avropaya ТАР vasitəsilə 2020-ci ildən daxil olacaq - Deutsche Welle

İlk tikintilər, məsələn, magistrala çıxan yollar 2015-ci ildən tikilməyə başlayacaq, deyə TAP-ın maliyyə direktoru Luts landver 1 oktyabrda Afinada "Balkanlar və Adriatik neft-qaz sammiti"ndə bildirib.

Deutsche Welle məlumat verir ki, “Şahdəniz”dən ilk qaz Avropaya 2020-ci ildə daxil olacaq.

Kəmərin 540 km-i Yunanıstan ərazisindən keçir. Böhran yaşayan ölkə layihədə mühüm yer alıb. 2013-cü ildə Yunanıstan, Albaniya və İtaliya Afinada TAP-ın ntikintisi barədə saziş imzalayıb.

Amma Yunanıstanın şimalında dəqiq marşrut müəyyən edilməyib. İcmalar və vətəndaş təşkilatları tikintinin əleyhinədir və planın dəyişməsini tələb edir. Afinanın TANEA qəzeti yazır ki, marşrutun dəyişməsi ilə bağlı 140 tələb var. TAP konsorsiumu onlara diqqətlə baxacaq, əhalinin rəğbətini qazanmaq üçün "sosial investisiya" proqramı hazırlayacaq.

TAP layihəsi təkcə Xəzər qazına çıxış təmin etməklə əlamədar deyil. İştirakçı ölkələr Avropa enerji bazarında özünü yenidən göstərmək imkanı əldə edir.

Məsələn, Albaniya Aİ enerji şəbəkəsindən kənarda idi, indi vəziyyət dəyişib, deyə Albaniyanın enerji nazirinin müavini Dorian Dutska bildirib. "Albaniya TAP sayəsində Cənubi Avropa qaz dəhlizinin bir hissəsi olacaq ", - deyə o,  "Alman dalğası"na bildirib. Ölkə həmçinin 1 mlrd birbaşa xarici investisiya, yeni iş yerləri, əlavə vergi əldə edəcək.

Daha vacibi odur ki, TAP Albaniya ərazisində İonik-Adriatik qaz kəməri ilə birləşəcək. Bu kəmər qazı Qərbi Balkanların enerji təchizatı şəbəkəsinə çatdıracaq. "Bu, Albaniyaya imkan verəcək ki, Monteneqro, Bosniya, Xorvatiya istiqamətində qaz bölünməsi qovşağı olsun", - deyə Dutska qeyd edib. Şimali Yunanıstanla bağlı da belə planlar var. Ordan 180 km-lik Yunanıstan-Bolqarıstan kəməri ilə Azərbaycan qazı Bolqarıstan, bəlkə də, Rumıniya və Macarıstana gedəcək.

* Əvvəllər “Şahdəniz” qazının Avropa bazarlarına 2019-cu ildə çatdırılması planlaşdırılırdı. –0--