Dövlət başçısı 2 sentyabr 2002-ci il tarixli Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”a dəyişiklik edib. Dəyişiklik mobil rabitə lisenziyasına aiddir və 3-cü nəsil mobil rabitəyə xüsusi lisenziya ləğv edilir.
Bundan sonra mobil rabitə lisenziyası texnoloji standartın adı göstərilməklə veriləcək. Bu zaman tərəflər lisenziya sazişi imzalayacaq. Nazirlər Kabinetinə tapşırılır ki, sellülar (mobil) fəaliyyət növü üzrə lisenziya verilməsi üçün tələb olunan əlavə şərtləri hazırlasın.
Azərbaycanda mobil rabitə xidmətini 3 şirkət göstərir. Bu fəaliyyət üçün lisenziyanı Azərbaycan Rabitə və Yüksək Texnologiyalar Nazirliyi və Naxçıvan MR Rabitə və Yüksək Texnologiyalar Nazirliyi 5 illiyə verir. Lisenziyanın qiyməti 11 000 manatdır. 08D
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz