![ABŞ-ın AzərbaycandakıSəfiri Robert F. Sekuta 2001-ci ilin 11 sentyabrhücumunuxatırlayaraq](https://turan.az/resized/750/500/resize/media/2015/main/091100129117.jpg)
- Söz istəyirəm
- 11 Sentyabr 2015, 12:58
- 39
ABŞ-ın AzərbaycandakıSəfiri Robert F. Sekuta 2001-ci ilin 11 sentyabrhücumunuxatırlayaraq
Bu gün biz üç minə yaxın kişi, qadın və uşağın həyatına son goyan 11 sentyabr terror hücumunun 14-cü ildönümünü qeyd edirik. Həm Amerikadan, həm də dünyanın digər ölkələrindən olan insanlar hüçumun qurbanı olmuşlar. Müxtəlif dinləri təmsil edən günahsız insanlar gündəlik işləri ilə məşğul olduğu zaman və ya digərlərinin həyatını xilas edərkən həlak olmuşlar.
Həmin gün verdiyimiz itkiləri xatırladığımız vaxtda biz onu da anlayırıq ki, bu kimi faciələrin gələcəkdə baş verməməsi üçün addımlar atılmalıdır.
Vaxt keçdikcə belə hücumların qarşısının alınmasına dair anlayışımız inkişaf etmişdir və təhlükəsizliyin artırılması, məlumatların paylaşılması, ekstremist ideologiyalarına qarşı mübarizə kimi fəaliyyətləri özündə əks etdirmişdir. Biz başa düşürük ki, sözügedən təhlükələrə qarşı yeganə olan bir həll yolu yoxdur və heç bir dövlət bu təhlükələrin öhdəsindən tək gələ bilməz.
Həmin günün dəhşətini gördüyümüz vaxtda biz həmçinin dünyanın müxtəlif yerlərindən göstərilən dəstəyin və həmrəyliyin şahidi olduq. 2001-ci ilin 11 sentyabr hücumundan sonra Azərbaycan Birləşmiş Ştatlara dəstək verən birinci dövlətlər sırasında olmuşdur. Azərbaycanlıların qurbanların xatirəsini anmaq üçün şam yandırdıqlarını və başsağlığı vermələrini xatırlayırıq. Amerikalılar bu dəstəyi indi də dəyərləndirirlər.
O vaxtdan bəri Azərbaycanın göstərdiyi dəstək artmışdır. Azərbaycan ABŞ-ın və NATO-nun Əfqanıstanda ekstremizmə qarşı apardıqları mübarizədə tərəfdaşı olmuşdur. Azərbaycanın sülhməramlı qoşunları ABŞ-ın və NATO-nun hərbiçiləri ilə çiyin-çiyinə duraraq Əfqan xalqına sülh və demokratiyanı inkişaf etdirmək imkanını vermişlər. Azərbaycan həmçinin NATO-nun Əfqanıstanda keçirdiyi əməliyyatları üçün maddi-texniki təchizatların nəqliyyatını təmin etmişdir. Azərbaycan ekstremist təşkilatlarının maliyyələşdirilməsinin qarşısının alınmasında ABŞ-la sıx əməkdaşlıq etmişdir. Birləşmiş Ştatlar isə Azərbaycan hökumətinə sərhədlərinin daha yaxşı qorunması və ekstremist yönümlü şəxslərin tranzitinin azalması üçün yardım göstərmişdir.
Çox vacib amil də ondan ibarətdir ki, dünyəvi dövlət olan Azərbaycan digər dövlətlər üçün dini tolerantlığın canlı nümunəsidir. Azərbaycanda mövcud olan dini tolerantlığı nəzərdən keçirəndə ümid etməyə başlayırıq ki, bir gün dini zəmində olan zorakılıq keçmişdə qalacaq.
Lakin bunu əldə etmək üçün hər tərəfin səyi tələb olunur. Biz bilirik ki, ümid ilə yaşayan, firavan və müzakirəyə açıq olan cəmiyyətlər ekstremizmə və nifrət ideologiyasına qarşı mübarizə apara bilər. Məhz bu səbəbdən biz Azərbaycanın iqtisadi diversifikasiya, korrupsiyaya qarşı mübarizə, və hökumətin insanlar qarşısında cavabdehliyinin artırılması kimi məqsədlərini dəstəkləyirik.
Biz Azərbaycanla sözügedən məqsədlərin əldə olunması üçün tərəfdaşlığımıza sadiqiq. Düşünürük ki, bu yolla istənilən ekstremist ideologiyasından azad olan Azərbaycan sabit və firavan gələcəyini təmin edə bilər.
Sentyabırın 11-də həlak olan insanları xatırlayaraq, biz eyni vaxtda paylaşmış dəyərlərimizə və tərəşdaşlığımıza yenidən sadiq olduğumuzu bildiririk. Mən zorakı ekstremizmə qarşı apardığımız tərəfdaşlığımıza sadiq olmağımızı təsdiq edərək, bütün Azərbaycanlılara göstərdikləri davamlı dəstəyə görə təşəkkür edirəm.
-
- Siyasət
- 11 Sentyabr 2015 12:56
-
- İqtisadiyyat
- 11 Sentyabr 2015 13:26
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz