![Vaşinqtonda energetika üzrə konfrans](https://turan.az/resized/media/2013/main/040300033354-750-500-resize.webp)
Vaşinqtonda energetika üzrə konfrans
Dünən Vaşinqtonda Vudro Vilson Mərkəzi nəzdində Kennan İnstitutu və Qlobal Təhlükəsizliyin Təhlili İnstitutu tərəfindən “Qafqazın dünya ilə birləşməsi: dəmir yolları və boru kəmərləri” mövzusunda konfrans təşkil edilib.
Konfransın moderatorları kimi Kennan İnstitutunun direktoru Vilyam Pomerans və “İrs” fondunun eksperti Ariel Koen çıxış edib, bu barədə Azərbaycanın ABŞ-dakı səfirliyinin press-relizində bildirilir.
Koen öz çıxışında Avropanın energetika təhlükəsizliyində Xəzər regionunun enerji resurslarının əhəmiyyətini qeyd edib.
ABŞ energetika nazirinin köməkçisi Conatan Elkind Bakı-Tbilisi-Ceyhan neft kəmərinin həyata keçirilməsində mövcud çətinliklərə diqqət çəkib. O, bu layihəni regional əməkdaşlığın uğurlu nümunəsi adlandırıb. Elkind həmçinin “Cənub qaz dəhlizi” layihəsinin əhəmiyyətini qeyd edib.
Öz növbəsində, Azərbaycanın ABŞ-dakı səfirliyinin müşaviri Nərgiz Qurbanova Azərbaycanın regional tranzit şəbəkəsinə çevrildiyinə diqqət çəkib. O, NATO qoşunlarının Əfqanıstandan çıxarılması kontekstində regionda Azərbaycanın rolunun artdığını qeyd edib.
Konfrans iştirakçıları Ələtdə beynəlxalq liman tikintisi, Bakıda beynəlxalq aeroportun modernləşdirilməsi, Bakı-Tbilisi-Qars dəmir yolunun çəkilməsi kimi layihələrin regional və qlobal əhəmiyyətini qeyd ediblər.
ABŞ Dövlət Departamentinin Qafqaz şöbəsinin rəhbəri Castin Fridman qeyd edib ki, ABŞ administrasiyası “Cənubi Qaz Dəhlizi” layihəsini prioritet məsələlərdən biri hesab edir.
BP-nin beynəlxalq münasibətlər üzrə baş direktoru Qreq Sanders Avropanın energetika tələbatlarının təmin edilməsi üçün Trans-Anadolu qaz kəməri (TANAP) layihəsinin və Azərbaycan qazının əhəmiyyətini qeyd edib.
Azərbaycanın NATO-da daimi nümayəndəsi Xəzər İbrahim qeyd edib ki, regional və qlobal energetika və nəqliyyat layihələrinin həyata keçirilməsi Cənubi Qafqaz bölgəsində münaqişələrin həlli üçün nadir imkan yaradır. -06D-
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz