İran Əsədin devrilməsi ehtimalına qarşı qoşun hazırlayır

Suriya təhlükəsizlik sisteminin tədricən zəifləməsi Bəşər Əsədin öz təhlükəsizliyinin təmin edilməsində iştirak edən iranlıların təsirini gücləndirib, bu barədə Le Figaro yazır.

Suriyalı şiə və ələvilərdən formalaşmış 50 minlik “Xalq ordusu” Suriya ordusu ilə birlikdə Dəməşq rejimini üsyançı sünnilərdən müdafiə edir. Ən yaxşı döyüşçülər “Hizbullah”da və İran İslam İnqilabı Keşikçiləri Korpusunun xüsusi təyinatlı qüvvələri yanında hazırlıq keçib.

Ötən ilin avqustunda ABŞ müdafiə naziri Leon Panetta qeyd edirdi ki, İran Suriya daxilində qoşun yığır. Dekabrda “Xalq ordusu” haqqında informasiya təsdiq edilib və Vaşinqton İİKK-ni “Bəsic” dəstələri şəklində qurulmuş İranyönlü qoşun hazırlamaqda, silahlandırmaqda və maliyyələşdirməkdə ittiham edib.

“Hizbullah” döyüşçülərindən başqa, yığma qoşunun hazırlanmasında İran şiə hərəkatlarının üzvləri də iştirak edir. Məhz onlar üsyançı sünnilər tərəfindən mühasirəyə alınmış şiə kəndlərini qorumağa kömək edir. Diktatorun müdafiəsindən başqa, “Xalq ordusu” Əsəd hakimiyyətdən məhrum olarsa, Suriyada İran təsirinin aləti kimi düşünülüb.

Bir müddət əvvəl Tehran artıq internet və kommunikasiyalara nəzarət məsələsində təcrübəsini Suriya ilə bölüşüb, son aylarda isə İraq hava məkanı üzərindən Dəməşqə silah nəqlini fəallaşdırıb. Qeyd edək ki, bu yardımın bir hissəsi Azərbaycan ərazisi vasitəsilə daşınıb. -02D-

 

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti