Vergi əməkdaşları mənzil tikintisində ödəmə sisteminin dəyişəcəyinə ümid edir

Vergi Məcəlləsinə dəyişiklik qəbul ediləcəyi təqdirdə mənzil tikintisi ilə məşğul olan şirkət və özəl müəssisələrin təsisçilərinə yalnız sadələşdirilmiş vergi tətbiq ediləcək, ƏDV isə ləğv ediləcək.

Xatırladaq ki, paytaxt sakinləri üçün sadələşdirilmiş vergi hələlik 4%, əyalət nümayəndələri üçün dövriyyənin 2% təşkil edir.

Vergilər naziri Fazil Məmmədovun parlamentin iqtisadi siyasət komitəsinin iclasında dediyinə görə, mövcud qanunvericiliyə əsasən, bu gün inşaatçılardan sadələşdirilmiş vergi alınır, yaşayış sahələrinin istismarına görə isə əlavə dəyər vergisi alınır. Gələcəkdə hüquqi şəxslərdən ƏDV ödəmədən sadələşdirilmiş verginin, gəlir və əmlak vergisinin alınması nəzərdə tutulur, fiziki şəxslər isə ƏDV və gəlir vergisindən azad ediləcək.

Bu halda sadələşdirilmiş vergi vergi qoyulan obyektin (dövlətə ayrılan hissə istisna edilməklə tikilən binanın yaşayış və qeyri-yaşayış sahələri, həmçinin digər tikintilərlə əlaqəsi olmayan tikililər, ayrıca fərdi yaxud şəxsi yaxud da bağ evləri istisna edilir) hər kvadrat metrinə görə 45 manat (indi 10 manat) təşkil edir.

Bu halda ölkənin şəhər və rayonları ilə bağlı əmsallar qüvvədə qalır.

Nazirin sözlərinə görə, nəzərdə tutlan dəyişikliklər mənzil satışına başlayana qədər vergi verməməyə imkan verəcək, bu da öz növbəsində tikinti sektorunda və sahibkarların maliyyə vəziyyətində müsbət əks olunacaq. --17D—