Azərbaycanın Vergi Məcəlləsinə növbəti dəyişikliklər ediləcək – bunu prezidentin 4 avqust tarixli “Vergi inzibatçılığının təkmilləşdirilməsi və 2016-cı ildə vergi sahəsində keçirilən islahatların istiqamətinin təsdiq edilməsi haqqında” sərəncamının icra edilməsi ilə bağlı keçirdiyi mətbuat konfransında vergilər nazirinin müavini İlkin Vəliyev deyib.
Onun sözlərinə görə, ilk növbədə ölkə vətəndaşlarının ofşor zonalarında həyata keçirdiyi əməliyyatlara nəzarət sərtləşdirilməli, həmçinin orta vergi dərəcələrinin azaldılması vasitəsilə nağdsız ödənişlər stimullaşdırılmalıdır.
O, iyunun 16-dan xaricilər üçün həyata keçirilən Tax Free sisteminin tətbiqinə də toxunub. Rəsmi məlumata görə, bu tarixdən başlayaraq 45 ölkənin vətəndaşına 104 min manatdan çox pul qaytarılıb (Heydər Əliyev adına hava limanı ərazisində ixtisaslaşmış dükanlarda alışdan 80% ƏDV). Nazir müavini bunun Azərbaycanın digər nəzarət-buraxılış məntəqələrində də tətbiqinin mümkünlüyünü istisna etməyib. --17D—
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz