Yanvarda ərzaq əsassız olaraq bahalanıb

Yanvarda ərzaq 2,5% bahalanıb. Yerli istehsalçılar qiymətləri artırıb. Məsələn, “Azersun” şirkəti qiymətləri 5% qaldırıb. 

Belə ki, 2 litrlik “Supersun” yağı 6-6,5 manat idi. İndi 6,5-7,2 manatdır.  Bu firmaya məxsus duru bitki yağları, zeytun yağı, çay, düyü və yarmalar 40-60 qəpik bahalanıb. 

Təəccüblüdür ki, bu holdinqin Azərbaycanda və Rusiyada xammal bazası və inkişaf etmiş infrastrukturu var, rəhbərlik isə topdan qiymətləri ucuzlaşdırmağı vəd etmişdi. Turan müxbiri 2 gündə bu strukturla telefon (tel.: 514 36 82) əlaqəsi yarada bilməyib. 

Kənd təsərrüfatı malları yanacaq bahalanandan sonra kəskin bahalnaıb. Bütün mallarda 20-70% artım var. 25-30 qəpiklik kələm 40, sonra isə 50-60 qəpiyə bahalanıb. 

Topdansatış bazalarında əsassız olaraq bir çox mallar (+10%) bahalanıb. Ərzaq bazarında ucuzlaşma yoxdur. Su, şirə, kompot, spirtli içkilərin qiyməti dəyişməyib. 

Ekspertlərə görə, ərzağın daim bahalanması dövlət tənzimləməsinin olmaması ilə bağlıdır. İdarəedilən bazar tarif, pensiya, maaş artımına həssas reaksiya verir. Nəticədə inflyasiya həyat səviyyəsinə 7-10% artımı yeyir. İkinci amil isə inhisarçılıqdır. 

Ma ətinin minimal qiyməti 2011-ci ildən 7 manat idi. Bərdə topdansatış bazarında diri çəkidə heyvanın 1 kq-ı alıcıya nəqliyyat xərcləri ilə 2,9 manata başa gəlir. Yəni 1 kq ət son istehlakçıya 6,5 manata başa gəlir. Paytaxt ticarətçilərindən biri Turan-a bildirib ki, qiymət artımına malın keyfiyyəti ilə yanaşı rayon icra hakimiyyətindən tutmuş sanepidemstansiyalara qədər məmurların rüşvətxorluğu da təsir edir. 

İqtisadçılar hesab edir ki, ərzağın bahalanması dalğası keçib, indi soyuq hava ilə bağlı kənd təsərrüfatı malları bahalanacaq. --17D—