Yanvarda dekabr ilə müqayisədə istehlak qiymətləri 5,8% artıb, Dövlət Statistika Komitəsi (DSK) bildirib.
DSK-nın məlumatına görə, ay ərzində ərzaq mallarının qiyməti 8,7%, qeyri-ərzaq mallarının qiyməti 5,6%, əhaliyə pullu xidmətlər 2,1% artıb.
Qeyd edək ki, dekabrın 21-də Azərbaycan Mərkəzi Bankı ikinci dəfə manatı devalvasiya (47,6%) edib. Sonrakı günlərdə manatın dollara nisbətdə məzənnəsi 1.55-dən 1,62 AZN/USD enib. Bir çox şirkətlər (Azersun Holding, Veysəloğlu və başqaları) bildiriblər ki, istehsal edilən və idxal olunan malların qiymətlərini 20-30% artırıblar. İdxal mənşəli qeyri-ərzaq malları 30-40% bahalaşıb.
Ekspertlər qeyd edirlər ki, Azərbaycanda rəsmi statistika çox siyasiləşdirilib. Belə ki, inflyasiyanın səviyyəsi, işsizlik, yeni iş yerlərinin açılması və digər bu kimi informasiyalar hakimiyyətin istək və əhval-ruhiyyəsindən asılı olaraq tənzimlənir. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz