Yanvarda mal idxalının tendensiyası

Bu ilin yanvarında Azərbaycana buğda idxalının həcmi kəskin artıb və 25 mln dolları ötüb. Fevralda isə idxal edilən həcmlər stabilləşib və iki aylıq idxal həcmi 2013-cü ilin eyni dövrünün döstəricisinə - 51 mln dollara çatıb. Bu barədə Dövlət Gömrük Komitəsinin məlumatında deyilir.

DGK-nin məlumatına görə, 2014-cü ilin yanvar ayında buğda və şəkərin tədarükünün artımı hesabına ərzaq idxalı ümumilikdə 46% artıb və 75 mln dollar təşkil edib. Bu ilin iki ayı ərzində ərzaq mallarının idxal portfelində ümumi çəkisi artıq 13,6% (162,6 mln dollar) təşkil edib.

2013-cü ildə Azərbaycana ümumilikdə 413,2 mln dollarlıq buğda və buğda unu idxal edilib.

Dövlət Stastistika Komitəsinin (DSK) hesabatına əsasən, bu ilin yanvar ayında kartof idxalı 2,5 dəfə, bitki yağlarının idxalı 2,4 dəfə artıb. Əgər yağ idxalının artımı istehlak bazarında tendensiyalarla deyil (yağ iri həcmlərdə təkrar emal üçün idxal edilir), kartofla bağlı vəziyyət fərqlidir. Ötən ilin sonundan bazarda bu məhsulun azlığı müşahidə olunur, bu da qiymət artımına səbəb olub. bu gün kartofun orta qiyməti 1 kq görə 1 manat təşki edir, bu da 2013-cü ilin eyni dövrü ilə müqayisədə iki dəfə çoxdur.

Ekspertlər qeyd edir ki, kartof idxalının real həcmləri DGK-nin açıqladığı rəqəmlərlə uyğun deyil. əjər bu rəqəmlərə inansaş, kartofun idxal və ixrac həcləri demək olar bərabərdir: 2013-cü ildə 62,5 min ton kartof idxal edilib, 53,9 min ton isə ixrac edilib. Kartof Azərbaycanın nüfuzlu şəxslərinin birinin inhisarındadır və idxalın əhəmiyyətli hissəsi vergilərdən yayındırılır, deyə ekspertlər iddia edir.

DSK-nin məlumatına görə, yanvarda məişət soyuduçularının idxalı 4,2 dəfə, paltaryuyan maşınların - 51,7%, hesablama maşınlarının - 2,9 dəfə, sement və sement klinkerinin idxalı 7,7% artıb.

Şamaxı rayonunda məişət elektrik cihazlarının istehsalı zavodu fəaliyyət göstərir. Müəssisə onların olan tələbatın yalnız bir hissəsini ödəyir. Əhali əsasən xarici texnikaya üstünlük verir. Məsələn, ötən il 160 mindən artıq soyuducu idxal edilib, Şamaxıda isə 6662 soyuducu istehsal edilib.

Yanvarda mebel idxalı 22,3% artıb. Rəsmən yerli istehsal mebel olan tələbatın 50%-i təmin edir.
2013-cü ildə yerli mebel istehsalı həcmi 47% azalaraq 97,3 mln manat təşkil edib. Həmin dövrdə mebel və hissələrinin idxalı 86 mln dollar təşkil edib. 08B