Yaponiyanı Azərbaycanda kimya sənayesi və infrastruktur layihələri maraqlandırır

Yaponiya Azərbaycanda investisiya qoymağa maraqlıdır. Xammal çox olması və əlverişli logistika səbəbindən kimya sənayesi və infrastruktur layihələri prioritet hesab edilir.

Prezident İlham Əliyevin Yaponiyanın iqtisadi dirçəliş, sosial müdafiə və vergilərin ümumi islahatı üzrə naziri, iqtisadi və maliyyə siyasəti üzrə dövlət naziri Akira Amarinin başçılıq etdiyi nümayəndə heyəti ilə görüşündə bu mövzu prioritet olub.

Amari Bakıya bu ölkənin aparıcı şirkətlərinin nümayəndələri ilə gəlib və bu, Əliyevin diqqətindən yayınmayıb. 

Rsəmi Bakı yaponiya şirkətlərinə energetika, neft-kimya və başqa sahələrdə əməkdaşlıq təklif edir.

Yaponiya nümayəndə heyəti $1 mlrd investisiya tələb olunan Sumqayıt Sənaye Parkında olub. Yaponlara “Marubeni Corporation” şirkətinin məsləhətçilik etdiyi polad istehsalı kompleksinin investoru və podratçısı olmaq təklif olunub. Bu barədə nümayəndə heyətinə iqtisadiyyat və sənaye naziri Şahin Mustafayev məlumat verib.

Bu ilin əvvəlində Azərbaycan Yaponiyaya bu ölkənin kapitalının təhlükəsizliyinə zəmanət üçün investisiyaların qorunması və təşviqi haqqında saziş layihəsi təklif edib.  Yaponiya kapitalı AÇG layihəsində aktiv iştirak edir.

Azərbaycanda müxtəlif sahələrdə 18 yapon şirkət çalışır. Bu ilin I yarısında Yaponiya investisiyaları 130 mln manat və ya xarici investisiyaların 4,9%-i qədər olub. Ötən il ARDNF və Mitsubishi UFJ Trust and Banking Corporation Tokioda birlikdə Kirarito Ginzanı 52,3 mlrd ienə ($436 mln) alıb. Bu il Yaponiyaya növbəti investisiya planlaşdırılsa da, neftin ucuzlaşması planları pozub.

Azərbaycanla Yaponiya arasında 17 sənəd imzalanıb, 20 sənəd üzərində iş gedir. 

Yaponiya Azərbaycanda "Ot kökləri və insan təhlükəsizliyi" humanitar layihəsi həyata keçirir. Layihə təhsil, səhiyyə, su təchizatı, kənd təsərrüfatı, ekologiya sahələrini əhatə edir. $16,54 məbləğində 195 layihə həyata keçirilib.—0-