![Yeni iş yerləri haqda rəsmi hesabatlar müəssisələrin bağlanması ilə bağlı məlumatlara ziddir](https://turan.az/resized/media/2015/main/110600135582-750-500-resize.webp)
Yeni iş yerləri haqda rəsmi hesabatlar müəssisələrin bağlanması ilə bağlı məlumatlara ziddir
Oktyabrın 12-də Nazirlər Kabinetinin bu ilin 9 ayının yekunlarına həsr olunmuş iclasında prezident İlham Əliyev 37 min yeni iş yeri yaradılması barədə məlumat verib. «… 9 ayda 67 min daimi iş yeri açılıb, 30 min iş yeri bağlanıb», - deyə Əliyev bildirib. Milli Sahibkarlar Konfederasiyasının prezidenti Məmməd Musayev deyib ki, 2015-ci ilin 9 ayında ölkədə 87 min iş yeri açılıb, bunun 67 mini daimidir.
Dövlətstatkomun 9 ay üzrə hesabatında 37 min iş yeri açılması barədə məlumat yoxdur. 2014-cü ilin dekabrında bu qurum bildirib ki, ölkədə 1 mln 507.7 min nəfər əmək haqqı alır. Bunun 883.7 mini dövlət sektorunda, 624 mini özəl sektorda çalışır.
Aprelin 1-i üçün məşğul əhalinin sayı 700 nəfər azalaraq 1507 olub. Dövlətstatkomun dövlət və özəl sektor üzrə məlumatı belədir: 879,2 min və 627,8 min.
İyulun 1-i üçün 1 mln 505,9 məşğul əhalidən danışılır – azalma 1,1 mindir.
Dövlətstatkoma görə, 2015-ci ilin 9 ayında məşğulluq göstəricisi belə olub: muzdla çalışan işçilərin sayı 1509,8 min nəfər, onlardan 880,0 min nəfəri iqtisadiyyatın dövlət sektorunda, 629,8 min nəfəri isə qeyri-dövlət sektorunda fəaliyyət göstərir.
Yəni bu dövrdə məşğul əhalinin sayı 2,1 min nəfər artıb. Üstəlik, iyul-sentyabrda 3,9 min yeni iş yeri açılıb (bu il ən yüksək göstərici).
DSK-ya görə, 2015-ci ilin yanvar-avqust aylarında ölkə iqtisadiyyatında muzdla çalışan işçilərin orta aylıq nominal əmək haqqı əvvəlki ilin müvafiq dövrünə nisbətən 4,4 faiz artaraq 460,1 manat olub.
Amma mətbuatdakı məlumatların analizi ölkədə 37 min daimi iş yerinin açıldığını göstərmir. Əksinə, mətbuatda müəssisələrin bağlanması ilə bağlı çoxlu məlumatlar var. Yanvarda Turan Agentliyi məlumat vermişdi ki, BP Azerbaijan rübün sonuna kimi 422 əməkdaşı ixtisara salmaq istəyir. Bu ilin aprelində Bakıda 4 klinika, mayda üzlük materialları buraxan “GlobalConstruction” bağlanıb. İyunda sərinləşdirici içki istehsal edən 4 müəssisə, avqustda “Riyad-farm” əczaçılıq şirkəti, sentyabrda "TodiniCostruzioniGeneraliSPA" yol tikintisi şirkəti, oktyabrda “Versace” şirkətinin Bakıdakı mağazası bağlanıb. «8-ci km» Bakının mebel paytaxtı sayıla bilər. Bir il əvvəl bu ərazidə hər addımda mebel mağazaları vardı. Hazırda burda mağazaların adları və «icarəyə verilir» elanı qalıb, - deyə Virtualaz.org 3 noyabrda yazıb.
Bu il 2 lizinq şirkətinin yaradılması haqda məlumat verilmişdi. Turan-ın araşdırması göstərir ki, yeni şirkətlərin dörddə biri saxtadır. Məqsədləri dövlət vəsaitlərini talamaq və gömrük manipulyasiyasıdır.
Ölkədə baş verənləri enerji daşıyıcılarının ucuzlaşması ilə izah etmək olar. Biznesdəki çökmənin ikinci səbəbi korrupsiya və məmur özbaşınalığıdır. Nazirlər Kabinetinin iclasında prezident İlham Əliyev bu barədə danışdı.
Böhran iş yerlərini saxlayanlara da toxunub. Davamlı İnkişaf Araşdırmalar Mərkəzinin sədri Nəriman Ağayevin sözlərinə görə, ölkədə ərzaq və digər mallar və xidmətlər bahalanır, iqtisadiyyatın bir sıra sahələrində əmək haqları azalır, bəzilərində sabit qalır, bəlkə də, təkcə İKT-də cüzi artım olub. «Məsələn, xidmət sahəsində əmək haqları praktik olaraq 25% azaldılıb. Klub, restoranlara gedənlərin sayı azalır, adamlar mağazalara az gedir. Təbii olaraq, gəlirlərin azalmasına səbəb ərzaq və qeyri-ərzaq mallarının bahalanmasıdır», - deyə ekspert hesab edir. –0--
-
- İqtisadiyyat
- 6 Noyabr 2015 12:07
-
- İqtisadiyyat
- 6 Noyabr 2015 13:06
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz