Dövlət Statistika Komitəsinin məlumatına görə, yerli kapitallı özəl sektorun Azərbaycanın sənaye istehsalında xüsusi çəkisi 10%-i keçmir. Bu, xarici kapital və dövlət sektorunun üstün olduğu hasilat sənayesinin mövqeyi ilə bağlıdır.
Bu ilin 5 ayında hasilat sənayesində 11,6 mlrd manatlıq mal istehsal edilib. Bu, ölkənin sənaye məhsulunun 77,5%-dir. Neft emalı müəssisələrində 790,8 mln manatlıq mal istehsal edilib. Kimya sənayesi (91,4 mln manat), elektrik enerjisi və qaz (729,7 mln manat), su (76,6 mln manat) istehsalı və bölgüsünə də dövlət nəzarət edir. Beləliklə, yerli özəl sektor bu ilin 5 ayında 1,6 mlrd-lıq sənaye məhsulu istehsal edib. Onun əsas hissəsi (1 mlrd manat) yeyinti sənayesinin payına düşür. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz