Erməni silahlı qüvvələrinin Qarabağdan çıxarılması münaqişənin həllinə şərait yaradacaq

Bu günlərdə ABŞ, RF və Fransa prezidentlərinin Dağlıq Qarabağla bağlı verdiyi birgə bəyanat onun həlli üçün yetərsizdir – bu barədə obyektiv.tv-yə müsahibəsində politoloq, Milli Məclisin deputatı Rasim Musabəyov bildirib.

Onun sözlərinə görə, bu sənəd unudulmuş Madrid prinsiplərini xatırladır və problemin aktuallığını vurğulayır. Bu, Azərbaycan və Ermənistan rəhbərliyinə və beynəlxalq ictimaiyyətə uzanan mübahisələrin həll olunmasını gecikdirməyin qəbuledilməz olduğu haqqında mesajdır.

ATƏT-in Minsk qrupunun həmsədri olan ölkələr üçün gərginliyə son qoyulması vacibdir. Azərbaycan üçün isə işğalçı erməni qüvvələrinin ölkənin qanunsuz olaraq ələ keçirilmiş ərazilərindən çıxarılması prioritetdir, deyə Musabəyov bildirib.

Aydındır ki, bu millətlərarası münaqişə demək olar ki, dörddə bir əsrdir davam edir və kənardan müdaxilə olmadan həll olunmayacaq.

Qarabağ vilayətində erməni silahlı qüvvələrinin olması qarşıdurmanın katalizatorudur. “Həmsdərlər sülh barədə danışırlarsa, qəbul edilən sənədlərin əsasında işğalçıların bu ərazilərdən çıxarılması və oraya sülhməramlı qüvvələrin yeridilməsi, Azərbaycanlı icmanın tarixi yaşayış yerlərinə qaytarılması durmalıdır. Erməni diktatının orada həmişəlik qalacağını düşünənlər yanılırlar”, politoloq belə hesab edir.

Qərbin Qafqaz regionuna artmaqda olan maraqları münaqişənin həllinə şərait yarada bilər. Yadımdadır ki, təxminən 10 il əvvəl dövlət katibi Kolin Pauelin təşəbbüsü az qala Ki-Uestdə razılaşmaya gətirib çıxaracaqdı. İndi Hillari Klinton da analoji görüş keçirmək istəyir, amma daha konkret nəticə əldə etmək üçün. Ümid edirəm ki, onun Cənubi Qafqaz ölkələrinə səfəri qismən belə bir sammitə hazırlıqla bağlıdır.

Vladimir Putin də münaqişənin həllini istəyir, amma bir şərtlə ki, hər iki tərəf bu barədə ondan xahiş etsin. Lakin təmənnaçı roluna düşmək nə özünü əlverişsiz siyasi şərtlərlə üz-üzə qoymaq istəməyən Azərbaycanın, nə də Ermənistanın xeyrinədir. -17D-