Anar: Satılmayan yazıçılar da var, satılmayan kitablar da var

Azərbaycan Yazıçılar İttifaqı ilə Rusiyanın “İnterfax” agentliyi Azərbaycanda bədii ədəbiyyat sahəsində çap edilən kitabların İnterfax-ın saytında yerləşdirilməsi ilə bağlı saziş imzalayıb. 

İmzalanma mərasimindən sonar keçirilən mətbuat konfransında Azərbaycan Yazıçılar İttifaqının İdarə Heyəyinin sədri Anar bidirib ki, Azərbaycan ədiblərinin yeni çap olunan kitabları İnterFax-ın saytında yaradılan rubrikada yerləşdiriləcək. “Bu, Azərbaycan ədəbiyyatının geniş miqyasda təbliğində mühüm addım olacaq”, deyə o qeyd edib. 

Yazıçılar İttifaqının sədri jurnalistlərin çoxsaylı suallarını da cavablandırıb. 

Gənc yazarlarla Yazıçılar İttifaqı arasında yaranmış problemlə bağlı suala cavabda Anar deyib ki, onun gənc yazarlarla hər-hansı konflikti yoxdur. 

“Yazıçılar İttifaqında gənc yazarlara geniş yer verilir, onların əsərləri jurnallarda dərc edilir. Mənim gənc yazarlarla iş üzrə müavinim var”. 

Sədr yazıçıların dövlət vəsaiti hesabına tikilmiş mənzillərlə təmin edilməsi sahəsində yaranmış problemdən danışarkən bildirib ki, dünyanın heç bir ölkəsində ədiblərə dövlət vəsaiti hesabına tikilmiş ev verilmir . 

“Azərbaycanda yazıçılara ev verilməsi barədə mən xahiş etmişəm. Hökumət torpaq sahəsi ayırdı, ev tikildi və 34 ədibə mənzil verildi. Amma, siyahıda 44 nəfər var idi, mənzil çatmayan 10 nəfər narazılıq edir. Gələcəkdə imkan olarsa onlar da mənzillə təmin ediləcək. Dəvəçidə yazıçılar üçün istirahət mərkəzinin  tikintisi üçün isə maliyyə böhranı səbəbindən hələ vəsait ayrılmayıb”. 

Anar ədiblərin fəaliyyətinin biznes fəaliyyəti ilə eyniləşdirilməsinin əleyhinədir. O, həmçinin yazarlara dövlət vəsaiti hesabına ev verilməsinin, əsərlərinin dövlət vəsaiti hesabına çap edilməsinin bu insanları siyasi təsir altına salması ilə bağlı sualı da düzgün hesab etmir.  

“Bunların keyfiyyətli əsərlərin yaradılmasında heç bir rolu yoxdur. Satılmayan yazıçılar da var, satılmayan əsərlər də var”, deyə o qeyd edib. 

Yazıçılar İttifaqının sədri Azərbaycan ədiblərinin əsərlərinin Rusiyada, Türkiyədə, Ukraynada, Özbəkistanda və başqa ölkələrdə çap edildiyini deyib.

“Xaricdə ən çox çap olunan Çingiz Abdullayevin əsərləridir. O, rus dilində yazır. İndi Kamal Abdullanın əsərləri də çap olunmaqdadır”. 

Yazıçıların qurultayı bu ilin sonu və ya 2013-cü ilin əvvələrində keçiriləcək. Anar sədrliyə namizədliyini irəli sürüb-sürməyəcəyinə aydınlıq gətirməyib.  “Bu barədə qurultay zamanı fikrimi deyəcəyəm”. 

O, eyni zamanda  qurultayın keçirilməsi üçün çətinliklərin olduğunu da gizlətməyib. 

“Yazıçılar İttifaqının qurultayının geçikməsinə ilk öncə ittifaqın binasının təmir edilməsi və sonra qurumun 75 illik yubileyinin keçirilməsi səbəb oldu. İnid isə ittifaqın 2500-dən çox üzvü var, yalnız 250 nəfər qeydiyyatdan keçib. İndi qurultaya hazırlıq işləri davam etdirlir”. 

Anar xalq yazıçısı və xalq şairi adlarının əleyhinədir. O, bunu Sovet təfəkkürünün məhsuslu sayır. 

“Mən vaxtı ilə bu adların ləğvi məsələsini 3 dəfə hökumət qarşısında qaldırdım. Bu zaman bir çox ədiblərin tənqidi ilə qarşılaşdım. Bundan sonra hökumət mən də daxil olmaqla, 10 yazıçıya xalq yazıçısı adı verdi. Bundan sonra məsələ olduğu kimi qalmaqdadır. Mən bu məsələni bir daha qaldıra biməzdim”. 

Sədr Yazıçılar İttifaqına üzvlər arasında 30-dan çox Cənubi Azərbaycandan olan ədiblərin də yer aldığını deyib. Onların qəbulu davam etdiriləcək. 

Azərbaycan ədiblərinin əsərlərinin azərbaycanlı biznesmenlərin vəsaiti hesabına çapına gəlincə, belə hal olmayıb. Amma, vaxtı ilə Bakı milyonerləri Azərbaycan klassik ədəbiyyatının çapının maliyyələşdirilməsində mühüm rol oynayıb. 

Turan-ın “dünyanın bir çox ölkələrində humanitar aksiyalar keçirən ARDNŞ və Azərbaycanlı milyonerlərin vəsaiti hesabına ədiblərin əsərləri niyə çap edilmir?”, sualının cavabında ittifaqın sədri deyib ki, “bu sualı milyonerlərə və dövlət neft şirkətinin rəhəbrlərinə verin. Biz Yazıçılar İttifaqının birinci mərtəbəsini icarəyə vermişik və oradan gələn vəsait hesabına Cənubi Azərbaycandan olan soydaşlarımızın və klassiklərimizin əsərlərini çap etdiririk”. 

Xatırladaq ki, mətbuat konfransı kerçirilən “İnterFax-Azərbaycan” İnformasiya Agentliyini Azərbaycan Dövlət Neft Şirkəti maliyyələşdirir. -03C-    

 

 

Rəy yaz

Mədəniyyət

Navalnının ölümü: Siyasi məhbusların həyatına görə kim məsuliyyət daşıyır? – Bəşir Süleymanlı Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti