Art for democracy (Demokratiya naminə incəsənət) hüquq-müdafiə təşkilatı və “Azad gənclik” təşkilatı aprelin 12-14-də “CAUCADOC və Bizim hüquqlar-bizim gələcək” adlı birgə sənədli film festivalı keçirəcək. Tədbirin açılışı aprelin 12-də saat 14:00-da Maqsud Əlizadə; küçəsi,111 ünvanında yerləşən “EL” Hərəkatının ofisində (Gənclik metrostansiyasının yaxınlığında) olacaq.
Bu barədə Art for democracy-nin həmtəsisçisi İnsan Hüquqları Klubunun məlumatında deyilir.
Filmlərin nümayişi ilə yanaşı gənclərin iştirakı ilə müzakirələr də olacaq. Filmlər subtitrlə göstəriləcək və ya Azərbaycan dilinə dublyaj ediləcək.
Filmlərin siyahısı:
12 aprel
1. “Kapitalizm – bizim sirli resept” - Aleksandru Solomon/Rumıniya, Fransa/2010/
2. “Ağ-qara ailə portreti” - Yuliya İvanova/Kanada/2011/
13 Aprel
3. “Boru kəməri” - Ristird O’Domnell/İrlandiya/2010/
4. “Xoşbəxtliyin düşmənləri” - Yeva Mulvad/Danimarka/2006/
14 Aprel
5. “Qonşun qatil olanda” - Enn Aqyon/ABŞ, Fransa/2008/
6. “İblisi dua ilə cəhənnəmə qaytarmaq” - Cini Retiçker/ABŞ/2008/
Filmlərə baxmaq istəyənlər 8 aprel 2013-cü ilədək artfordemocracy@gmail.com ünvanına yazmaqla və ya 050-586-35-37 telefonla zəng edərək iştirakını təsdiqləyə bilər.
*Art for democracy kampaniyası 2012-ci ilin dekabrında İnsan Hüquqları Klubu, Reportyorların Azadlığı və Təhlükəsizliyi İnstitutu və Milli və Beynəlxalq Araşdırmalar Mərkəzi tərəfindən incəsənət vasitəsilə demokratiyaya yardım məqsədilə təsis edilib.—06D-
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz